گرنگیدان ب ساخلەمیا دەروونی یا زارۆكی

گرنگیدان ب ساخلەمیا دەروونی یا زارۆكی

37

رەیان یوسف
ڤەكۆلەرێ‌ دەروونی

ئێكەم كەسێن زارۆك چاڤ لێدكەن دایك و بابن، ئەڤجا بزاڤێ‌ بكەن ببنە نموونەكا هەرە باش بو زاروكێن خۆ، زارۆك ب بهاترین سەروەت و سامانێ‌ مەیە د ژیانێ‌ دا، لەوما پێدڤیە گرنگیێ‌ پێ‌ بدەین، لێ‌ ژ بو لبەرچاڤ وەرگرتنا ساخلەمیا دەروونی یا زارۆكی ڤان خالا ن ژبیر نەكەن:-
-1 ببە نموونە بو زارۆكێ‌ خۆ: زارۆك كەسەكێ‌ ژیرمەندە د تێگەهەشتنا كەسانێن دەوروبەرێن خۆ دا و ئێكەم كەسێ ئەو چاڤ لێدكەن دایك و بابن! ژبەر هندێ‌ پێدڤیە بزاڤا بكەی ببیە نموونەكا هەرە باش ژلایەنێ‌ دەرونیڤە ئانكو ببیە نموونەكا باش بۆ خۆ كونترولكرن ل سەر تورەبوونێ‌، وان سالۆخەتێن جوان لدەف خۆ پەیدا كە یێن تە دڤێن لدەف زارۆكێ‌ تە هەبن.
-2 پشتەڤانیكرنا زارۆكی بو ئەنجامدانا بەهرەیێن وی یێن تایبەت: دبیتن د ناخێ‌ زارۆكێ‌ تە دا هندەك بەهرە و ئارەزویێن تایبەت هەبن، بزاڤا بكە و هاریكاریا وی بكە بۆ دەرخستنا بەهرە و شیانێن وی، ئەنجامدانا بەهرەیان ئێكە ژ هوكارێن كاریگەر ل سەر ساخلەمیا دەروونی یا زارۆكی ژبەركو یا هاریكارە د ئاڤاكرنا كەسایەتیا وی دا.
-3 دەمەكێ‌ تایبەت تەرخان بكە بۆ زاروكێ‌ خۆ: هندەك ژ دەمێ‌ خۆ یێ‌ ب بها بدە زارۆكێ‌ خۆ، چونكی ئەف چەندە دێ‌ گەرماتیێ‌ و حەزژێكرنێ‌ دەتە زاروكێ‌ تە، وەلێ‌ بكە كو هەست پێ بكەت یێ ژ هەژی وێ‌ گرنگی دانێ‌ و رێزگرتنێ‌ یە، هەروەسا هاریكاریا وی دكەتن كو خلاس ببیتن ژ خەموكیێ‌ و خەمێن خۆ یێن ئەو هەست پێ دكەت بێ‌ هیچ ئەگەرەك.
-4 باوەری بخوبوونێ‌ بدە زاروكێ‌ خۆ: باوەری بخوبوون باشترین تشتە كو زارۆكی هەبیتن بۆ دەرخستنا هێز و شیانێن خۆ و گەهشتن بەر ب ئارمانجێن خۆ یێن هەین، پێكولا بكە بەرپرساتیا هندەك كارا بدە زارۆكێ‌ خۆ لدووڤ شیانێن وی.
-5 رێكێ‌ بدێ‌ یاریێن وەرزشی بكەت: مێشكێ‌ ساخلەم یێ دناڤ لەشێ‌ ساخلەم دا، ساخلەمیا دەروونی یا زارۆكی زێدە دبیتن ب ئەنجامدانا یاریێن وەرزشی یێن كو وەلێ‌ دكەن هەست ب هێزا لەشێ‌ خۆ بكەت، كو ئەف هێزە كارتێكرنا ئەرێنی ل سەر ساخلەمیا دەروونی دكەت.

کۆمێنتا تە