گەنجەک: من مالا خۆ وێران کر

گەنجەک: من مالا خۆ وێران کر

7

دلـشـاد عەبدوللا:

کوڕەکێ 30 سالی بو رۆژناما ئەڤرۆ دیار کر کو ب رێکا جیرانێ خۆ ئەو بو خودان کار ل خوارنگەهەکێ و گۆت: بەلێ پشتی ئەز چویمە سەر کاری من کەسەک ل وێرە نیاسی و ب بورینا دەمی ئەم بوینە هەڤالێن ئێکدو، ئەوی خۆ ب باشیێ دئینا دەر، بەلێ ئەز فێری کارێ نەباش کرم.

(ر.س) ئەو گەنجێ ٣٠ سالیە گۆت: (ب بورینا دەمی ئەز و ئەو کەسە گەلەک تێکەلی ئێک بوین، ئەوی بو من دیار کر کو ئەو قورمارێ دکەت و روژ ب روژێ حالێ وی خوشترە، روژە کێ هاتە دەف من و گوت من ملیونەک دوهی فایدە کر و ئەف رەفتارا وی یا بەردەوام بو) .
ڤی گەنجی گۆتژی: (گەهشتە وی رادەی، ئێدی من ژی هزر د ڤێ چەندێ دا کر کو ئەز ژی قومارێ بکەم، ژبەرکو کارەکێ ب ساناهیە و پارەکێ باش دێ فایدە کەم و زەنگین بم، بەلێ ل خوارنگەهێ سپێدێ حەتا ئێڤاری کار دکەم و ب پارەکێ کێم).
(ر، س) د بەردەوامیا ئاخفتنێن خۆدا گۆت: (من جەندین جارا قومار کر و ئەز فایدە بووم، لەورا روژ بو روژێ ئەز پتر پێڤە هاتمەگرێدان و من تەماعی کر و پارە زێدە کر دەمێ من قومار دکر، هەتا روژەکێ من مالا خو خراپ کری و من سەیارە و هەتا خانی ژی دانانە سەر، نوکە ئەس پتر ژ دوو دەفتەرا یێ دەیندارم. خوزی چ جارا من ئەڤ هەڤالە نە نیاسی با و من قومار ژی نە کربا، ژبەرکو ژیانا من ژناڤبر و مالا من وێران بو، ئەز تووشی کێشێن خێزانی بوم و ژبەر دینا نەشێم دەرکەڤم).

چارەسەری
برایێ هێژا: دڤێت مروڤ بزانیت هەڤالێ باش و خراب کیژە و دێ تێکەلیا کێ کەت، چونکی هندەک هەڤال مالا مروڤی وێران دکەن، دڤێت لایەنێن جێبەجێکرنێ ب ئەرکێ خو راببن و سنورەکی بو ڤان جورە کارا بدانن و رێنما و یاسایێن توند بدانن و کەسایەتیێن ئولی ب ریێا میمبەرێن مزگەفتان، هەروەسا دەزگەهێن راگەهاندنێ و رێکخراوێن جڤاکێ مەدەنی و ناڤەندێن خواندنێ جڤاکی ل سەر مەترسیێن قومارێ هشیار بکەن.

کۆمێنتا تە