ھەتا نوکە وەزارەتا رەوشەنبیری و ھونەری رۆلێ خوە نەدیتیە

ھەتا نوکە وەزارەتا رەوشەنبیری و ھونەری رۆلێ خوە نەدیتیە

2

ھەرھین محەمەد:

ھونەرمەندێ مۆزیکژەن و لێدەرێ کەمانێ سەلاحێ ئامێدی ددیدارەکێ دا بۆ بەرپەرێ ھونەری یێ رۆژنامەیا ئەڤرۆ گۆت: ژلایێ ماددی ڤە من چو مفا ژ مۆزیکێ نەدیتیە، بەلێ ژلایێ مەعنەوی ڤە من خۆشیەک ژێ دیتیە و بەرنیاس بوویمە و ھەتا بەری دەهـ رۆژان ژی من بخوە دگۆت خوەزی من کارێ مۆزیکێ نەکربا و ھەکە ھەرجارەکا من کەمان ژەنی با بەرامبەر من بلوکەک دانا با نوکە دا من ئاڤاھیێن مەزن ھەبن و ھەتا نوکە ژی نەیێ پەشێمانم بۆ چو کارێن خوە ژ بەر کو وەکو گروپ من کارکریە و ئەو کاربووینە ھاتینە پشکین کرن.
ئەوا ھونەرمەندێ مە دکەت چو ھونەرمەندێن دی ل چو جھان ناکەن، ژ بەر کو ئەم ب وەلاتی و ئالای و کوردینیێ و ئاخی دبێژین، بەلێ پەروەردە و وەرزش و ھونەر و رەوشەنبیری و ئەدەب ئەڤە ل دووڤ سیاسەتا حکومەتێ دمینیت کا ئەوان چ سیاسەت ھەیە بەرامبەر ئەڤی تشتی، ئانکو ھەموو دەمان حکومەتا مە یا رۆژھەلاتا ناڤەراست ل ئەوان دگەرن و ناڤێ ئەوی وەلاتی دیاربکەن و بکەنە د مەجالێ سیاسەتێ و خزمەتا وان دا مۆزیک بۆ خۆشیێ یە و بەروڤاژی دڤێت مۆزیکا مە بۆ سیاسەتێ بیت و پێدڤی ئەڤێ چەندێ ناکەت و دڤێت پارچەک بۆ سیاسەتێ و پارچەک بۆ ئالای و پارچەک بۆ خزمەتا ئالای و شەھیدان بیت، بەلێ دسەر ھندێ را خوەشیەکێ ژی بۆ خەلکی پەیدا بکەت و دبینم سیاسەتا حکومەتێ بەرامبەری ئەڤان کاران یا کێمە.
وەزارەتا رەوشەنبیری و لاوان مەزاختیەکا مەزن دکەت و گرنگە ئەو وەزارەتە نەمینیت، چونکو چو کار و رولێ ئەوێ نابینم و گەلەک تشتان د تڤیێ دا دبینم شەرم ژ خوە دکەم ژبەر ئەوی کاری و من ژ نوی دیت کەسێن ئەزمانێ ئەوان نەیێ دروست بۆ ئاخفتنێ سترانێ بێژیت و من سرانەک دیتیە و بوویە ترێند و ھەتا نوکە تێناگەھم و شاشەێن تیڤێن مە دڤالانە و ب ئەڤان جورە سترانان پر دکەن و دڤێت رێڤەبەریەکا تایبەت ھەبیت و ئەڤ سترانە بھێنە پشکنین و بەری ل رادیۆ تیڤیان بەلاڤ دکەن.
و گۆت: ئەڤا نوکە نەسترانا کوردی یە و نوکە گەلەک وەزنا دکەنە دناڤ دا و چو جاران کوردان ئەو وەزنە نینە و کوردان بتنێ حەفت وەزن ھەنە و دخۆشن و دسترانا نوکە دا وەزنێت تورکو بیانی دھێنە ب کارئینان و ئەو وەزنە نەیێن مەنە و گەلەک جاران گوھداریا سترانان دکەم و ئەز تێناگەھم وەزن چەند ل سەر چەندە و دبینم ئەڤ چەندا ئەو دکەن بتنێ ئەوە دابەرنیاسبن و ل تیک توکی بھێنە بەلاڤکرن.

کۆمێنتا تە