یاریزانێن پۆلیتەكنیكی گەشبینن ئالایێ‌ كوردستانێ‌ ل ئستەنبۆلێ‌ بلند بكەن

یاریزانێن پۆلیتەكنیكی گەشبینن ئالایێ‌ كوردستانێ‌ ل ئستەنبۆلێ‌ بلند بكەن

4

شاهۆ فەرید:
شاندێ‌ تیما یانەیا پۆلیتەكنیكی یا یارییا كیك بۆكسینگێ‌ بەر ب وەلاتێ‌ توركیا چوون ژبۆ پشكداریێ‌ د قارەمانییا نێڤدەولەتی یا ڤەكری دا، ئەو بڕیارە ئەڤرۆ هەتا 19ێ‌ ڤێ‌ مەهێ‌ هەڤڕكیێن وێ‌ ل باژێرێ‌ ئستەنبۆل بهێتە كرن و پێشبینی دهێتە كرن پشكداریا زێدەتری 37 هزار یاریزانێن 70ێ‌ وەلاتان كو نێزیكی 29 هزار یاریزان بتنێ‌ ژ توركیانە پشكداربن ئەو دێ‌ ژلایێ فیدراسیۆنا نێڤدەولەتی یا یارییا كیك بوكسینكێ WAKO بهێتە كرن.
لدۆر پشكدارییا یانەیا پۆلیتەكنیك د داخویانیەكێ دا راهێنەرێ تیمێ‌ مەلەڤان كامیران بۆ رۆژنامەیا ئەڤرۆ گۆت: ئەم دێ ب سێ یاریزانان پشكدار بین ل سەر ئاستێن جودا ئەو ژی عەبدولقادر عەلی سیستەمێ‌ لۆكیك بۆ كێشا 63كگم، سەركەفت ئەمین دو سیستەمان كیك لایت و فۆل كۆنتاك بۆ كێشا +90كگم ، ئەیهەم ئێحسان ل سەر ئاستێ لاوان سیستەمێ‌ فۆل كۆنتاك كێشا 67كگم، ئەم وەكۆ ستافێ پارێزگەها دهۆكێ ژ حەفت كەسان پێكدهێت چار یاریزان و دو راهێنەر و دادڤانێ ڤی یاریێ زێرەڤان سالح دێ پشكداری قارەمانیێ بین، ئەڤ یاریە جەنگیە، دو ئارمانج مە هەنە ژ پشكداریكرنێ ئێك ئاستێ یاریزانا بەرڤ پێشڤەبەین یا دیێ‌ دو یاریزانێن كورد و ئالایێ‌ كوردستانێ‌ بلندبكەن.
زێدەتر مەلەڤانی گۆت: یاریزانێن مە دئاستەكێ باش دانە و بەرهەڤی و راهێنان كرینە هەمی خودان شیانن دێ ئەنجامیێن باش ڤەگرین و ب هیڤی نە بگەهینە ئارمانجێ خوە، پشتەڤانیەكا باش هەبیت دی یاریزانێن باش بەرهەم ئینین بۆ پارێزگەهی چونكۆ راهێنەرێن خودان شیان هەنە، سوپاسیا هۆلا كوردستان و كاپتن ئەحمەدی دكەین بۆ ماوەیێ نێزیكی دو مەهـ بووینە دناڤا هۆلا وی دا راهێنانان ئەنجامدەین، سەروكا یانەیا زانكویا پۆلیتەكنیكی د. ئاری عادل پشتەڤاینا بەردەوام ل یاریزانان دكەت.

کۆمێنتا تە