یانهیا زاخۆ: رێك ل واستهكاریێ هاتیه گرتن و بهرههڤین بۆ خولا كوردستانێ
عەلی حاجی:
د داخویانیەکێ دا سکرتێرێ یانهیا زاخۆ یا وەرزشی بۆ رۆناما ئەڤرۆ دیار کر وان تیم بەرهەڤکریە و بتنێ ل هێلا هێرشبەریێ وان کێماسی ماینە و دێ دەمەک نێزیک دا چارەسەر کەن.
زێدەتر هشیار شەهباز گۆت: ژ بۆ پشکداریکرن د وەرزێ نوو یێ خولا نایابا کوردستانێ یا تەپا پێی دا وان بەرهەڤیێن باش کرینە ب سهرپهرشتییا راهێنەر عزەددین عەسکەر و هەمی هێلێن خوە پر کرینە لێ بتنێ د هێلا هێرشبەریێ دا کێماسی ماینە و ئەو دگەل یاریزانەکێ هێرشبەر یێ رەگەز ب ئیراقی د دانوستاندنێ دانە لێ هەکە ئەو دگەل وی یاریزانی نەگەهشتنە چو رێکەڤتنا دێ هزر د ئینانا یاریزانەکێ پێشەکار دا کەن کو ژ دهرڤهیی ئیراقێ دا بیت، ئەو خوە د پلان دایە ئەم دو یاریزانێن پێشەکار ل تیما خوە زێدە بکەن لێ ئەم دێ مینن ل هێڤییا داخازیێن راهێنەرێ هەکە پێدڤی ب ئینانا پێشەکارەکێ دیتر بوو د وی دەمی دا دێ یاریزانەکێ پێشەکار ل تیما خوە زێدە کەین،هەر دیسان دێ یاریزانێن خوە یێن کورد یێن تیما مە ئەوا پشکدار د خولا پێشەکارێن ئیراقێ دا دێ دگەل تیما مە یا خولا کوردستانێ ژی دا پشکداریێ کەن و یاریێ بۆ ئەنجام دەن و مهرهما مه ژی پشكدارییهكا سهركهفتی و سهرفهرازه.
ناڤبری گۆت ژی: مە دووڤچوونا تیما خوە کریە و ب چو رەنگان مە رێک نەدایە واستەکاری بهێتە کرن و هەمی یاریزان ژی ل سەر بنیاتێ شیانێن وان هەلبژارتینە، ئەم د خوازین د ئەڤ سالە دا کارەکێ باش بکەین و ئەنجامێن باش ب دەستڤە بینن.