یانه‌یا زاخۆ: ڕژدین سكالا یا خوه ب ڕێڤه‌ببه‌ین هه‌تا بگه‌هینه مافێ خوه
زاخۆ،عەلی حاجی :
د داخویانیەکێ دا ئەندامەکێ دەستەیا کارگێریا یانا زاخۆ یا وەرزشی بۆ رۆژناما ئەڤرۆ دیار کر درژدن ژبۆ تۆمارکرنا سکالایێ ل سەر یاریا زاخۆ و شورتە و هەکە فیدراسیۆنا تەپاپێی یا ئێراقێ بریارا دروست نەدا دێ سکلایەکا دیتر تومارکەن.
زێدەتر دلژار عەدنان گۆت: ل دووف رێنمایێن نوو یێن فیدراسیۆنا تەپاپێی یا ئێراقێ بۆ خولا ستێرێن ئیراقێ ل سەر هەر یانەیەکێ پێدڤیە چار ژ یاریزانێن پێشەكار رێزبەندیا هەلبژارتیێن وان یاریزانان د سەر رێزا ٩٠ دا بن د رێزبەندیا جیهانی دا و یێن دیتر سەر رێزبەندیا ١٠٠ دا بن و د دەمێ یاریێ دا پێدڤیە هەتا دو یاریزانێن پێشەكار رێزبەندیا هەلبژارتیێن وان د ٩٠ دا بیت یاریێ بکەن، لێ د یاریا مە بەرانبەر شورتە سێ یاریزانان یاری دکر یێن رێزبەندیا هەلبژارتیێ وان ل سەر رێزبەندیا ٩٠ دابوون، ئەڤە ژی بەروڤاژی رێنمایێن فیدراسیۆنا تەپاپێی یا ئێراقێ یە، دیارکریە ژی تیما پێگیریێ ب رێنمایان نه‌بیت دێ ب خوسارەتی هێتە هەژمارتن، لەوما ل سەر ڤی بابەتی دێ سکالا خوە تومار کەین و مە سکالا خوە ئامادە کریە و پێشکێش کریە ژی لێ دێ مینن چاڤەرێ فیدراسیۆنا تەپاپێی یا ئێراقێ هەتا کو کۆمبوونا خوه ئەنجام بدەت و بریارەکێ بدەت ژبەرکو بۆ دەما سێ رۆژان بهێنڤەدانا فەرمی یە ل سەرانسەری ئێراقێ لێ دبیت د حەفتیا بهێت دا بریارەک بهێتە دان و ئەم پشت راستین دێ سکالا مە جهێ خوە گریت.
ناڤبری گۆت ژی: هەکە فیدراسیۆنا تەپاپێی یا ئێراقێ بریارا دروست نەدا دێ نەچاربین ل دادگەها کاس سکالایێ تۆمارکەین و داخوازا مافێ خوە بکەن ل سەر ڤێ چەندێ بێ دەنگ نابین.
