یانەیا ئاكرێ: دەست ژ كاركێشانا راهێنەرێ تیما خوە ڕەدكەین

یانەیا ئاكرێ: دەست ژ كاركێشانا راهێنەرێ تیما خوە ڕەدكەین

5

رەمەزان زەكەریا

د داخویانیەكێداپەیڤدارێ یانەیا ئاكرێ یا وەرزشی ئاشكراكر ئەو دەستكاركێشانا راهێنەرێ‌ تیما خوە یێ‌ گەنج هەژار سابری رەدكەن، ئەوێ‌ پشتی یارییا دگەل یانەیا پێشمەرگەیا هەولێرێ‌ راگەهاندی دەرئەنجامێ‌ خوسارەتییا تیمێ‌ ب ب گۆلەكێ‌ ژ چارچووڤەیێ‌ گەڕا 17ێ‌ یا خولا پلا نایابا كوردستانێ‌.
زێدەتر سوهەیب عەلی بۆ ئەڤرۆ گۆت: پشتی خوسارەتییا تیمێ‌ د یارییا بۆری دا راهێنەر هەژار سابر بریارا دەست ژكاركێشانی پێشكێشكری هەر ئێكسەر دەستەیا كارگێریا یانەیێ كۆمبوون كر و بڕیارا وی ڕەدكر و دیاركر دێ‌ بەردەوام بیت و باوەرییەكا باش ب شیانێن وی هەیە.
ناڤبری گۆت ژی: راهێنەر هەژار سابر 12 یاری دگەل یانەیا ئاكرێ ل خولا نایابا كوردستانێ ئەنجامداینە 6 یاریا سەركەفتن ب دەستڤەئینا ل سەر ئێك و سێ یاریا وەك هەكهەڤی ب دەستڤەئینا سێ یاریادا سەركەنەكەفت، ئەو بوو ئەگەر كو راهێنەر بریارا دەست ژ كاركێشانێ بدەت لێ ژلایێ یانەیێ ڤە بریار هاتە دان راهێنەر ل سەرپەرشتیكرنا یانەیا ئاكرێ بەردەوامبیت.

کۆمێنتا تە