یا د شیان دا بیت دێ بۆ پشتەڤانییا وەرزشا پارێزگەهێ هێتە كرن
سەربەست لەزگین بەرپرسێ رێكخستنا پارتی دیموكراتی كوردستان ل دەڤەرا بەهدینان پێشوازی ل شاندێ لژنەیا ئۆلمپی تایێ دهۆك ب سەرپەرشتییا د. ئەحمەد قاسم سەرۆكێ لژنەیێ و مەحمود محەمەد جێگرێ وی ئەوێن ب مەرەما چەند تەوەرێن جودا یێن ب وەرزشا پارێزگەهێ ڤە سەرەدانا بارەگایێ رێكخستنێ كرین.
دڤێ سەرەدانێ دا بابەتێن گرێدایی ژبۆ پێشئێخستنا وەرزشا پارێزگەهێ و پشتەڤانییا رێكخستنا پارتی ل دەرڤەرا بەهدینان هاتنە بەحسكرن، دووڤدا هندەك پێشنیار دانانە بەر دەستێ بەرپرسێ رێكخستنێ و بڤی شێوەیی.
دانانا ژڤانەكی بۆ سەرەدانا كۆمەكا قارەمان و فیدراسیۆن و یانەیێن وەرزشی بۆ سەرۆك بارزانی بهێتە كرن، هەروەسان دیاركرنا داخوازیێن یانەیێن وەرزشی ل پارێزگەهێ تایبەت هەردو یانەیێن دهۆك و زاخۆ، هەروەسان هاتییە داخواز كرن هژمارەیا 274 وەرزشڤانێن قارەمان، دادڤان و راهێنەر و فیدراسیۆنێن چالاك، دیسان دانانا ژڤانەكێ تایبەت ژبۆ سەرەدانا مەسرۆر بارزانی سەرۆكێ حوكمەتا هەرێما كوردستانێ و بهێتە داخوازكرن میزانیەكا تایبەت بۆ یانەیا دهۆك بهێتە تەرخانكرن، ل دووماهییا پێشنیار و داخوازیێن خوەدا شاندنێ لژنەیا ئۆلمپی خواست پشتەڤانی بهێتە كرن پێخەمەت رێكخستنا قارەمانییا نێڤدەولەتی بۆ یارییا تیكونجێتسۆ والسكی، ئەوا دهێتە چاڤەڕێكرن هەڤڕگیێن وێ ل پارێزگەها دهۆكێ بهێنە ئەنجامدان.
پشتی گەهاندنا ئەڤان داخوازی و پێشنیاران بۆ بەرپرسێ رێكخستنا پارتی ل بەهدینان، سەربەرست لەزگین بۆ شاندێ ناڤهاتی دیار كر یا د شیان دا بیت دێ پشتەڤانییا هەمی تەخێن وەرزشا پارێزگەهێ كەین.
