ئاخینا دل
سەگڤان ئەحمەد
عەشقا تەیە ئاگر و بزۆت
كەزەب كەركر دل ل من سۆت
من تو دڤێ چەند جارا من گۆت
ئاخینا دل ئاخینا دل
::: ::: :::
تیر هاتن دل ژ وان چاڤا
بریندار بووم كەتم داڤا
لهزرا منی هەمی گاڤا
ئاخینا دل ئاخینا دل
::: ::: :::
مەشیا ل دویڤ تە ئەڤ دلە
تژی خەم قەهر و كولە
تو سۆرگولی ئەو بلبلە
ئاخینا دل ئاخینا دل
::: ::: :::
تە ئەڤ دلە ل دویڤ خوەبر
گەلاڤێژی تویی بەدر
تویی باران تویی بەفر
ئاخینا دل ئاخینا دل
::: ::: :::
بازنێ زیڤی لسەر وی زەندی
تو بەدەو و جان ڕندی
هنگڤینی شەكر قەندی
ئاخینا دل ئاخینا دل
::: ::: :::
تە ئەز كوشتم شرین پەیڤێ
دەمێ تو دگەل من دئاخڤێ
تو دێم گەشی وەكی هەیڤێ
ئاخینا دل ئاخینا دل
::: ::: :::
تو گەشتری ژ تەڤ سۆرگولا
پوڕا جوان ل سەر ملا
من تو دڤێ بێژە بلا
ئاخینا دل ئاخینا دل
