ئاخ بۆ بهارەکا من دڤێت
رەمەزان ئیسماعیل گەرەگوهی
ئاخ بۆ بهارەکا وەسا..
ئاڤێن تەزیێن
کانیکێن وێ..
مینا کانیکێن ئەڤ سالە
زوی کەل نەبن
کەڤی و تلخ و کۆمێن بەفرێ
ل چەلختە و زنارێن وێ
ژ ناڤ نەچن و
ب لەزوبەز، لێ حەل نەبن
ڕەز و باغ و جنیکێن وێ
دهشک و خرش و
بێ بەر نەبن
زارۆک تێدا بگڕنژن و
بکەنە کەنی و
ل شیری و نانی نەکەن گری و
برسی نەبن
شێنییێن وێ..
ب ڕۆکێتا و ب درۆنا
نەهێن کوشتن
بن ئاخ نەبن
ل ناڤ لەپێن کەلێژانێ
تویشی تەحرێ و گەرمێ نەبن
شەڤبایێن وێ..
دگەل تۆزا بازڤیرکێن
بیابانێ نەشاریێن و
تێکەل نەبن
بەلگێن دارا لێ نەوەریێن
هەمی گول و کولیلکێن وێ
زوی زەر نەبن
هەتا ئەز و نارینا خوە و
ئەڤ خەلکێ هە..
ل بن سیبەرا
بیشەنگێن وێ تێر نە ڕوینین
چاڤێن مە ل ناڤ
وێ بهارێ..
نەچن سەرێک، تێر خەو نەبن.
