ئاخ و نەتەوە
سالح حەکیم
لهنداڤی مە
سەیوانەکا عەوریە
نزا ب حەز و مەودایا کێ
پرت و بەلاڤدبن
ئەڤ عەسمانێ ستەور
ما ئاڤز نەبوو ب ئاخ و نەتەوەی
ئەو شرک و خوینا هە
یا ژ دەمارێن دلدارا دزێت
هێش برین لێ دشلن
ئەڤە چ زێمار و گریە
ما کەنگی رۆندکێن خەما
بوونە لۆلۆ و مەرجان و زێر
ڕند و بۆکا ڤی واری هێش چاڤ
ب کلدانکێ خوەزا نە ڕەشکرینە
یا ل بەندا هاتنا زاڤایێ رەڤەندا ڕەڤێ
دا سەر بهەلینیت خێلیێ
دەم شاها ئەزەلیا نازڤریتن
کا ئەو بەخت و تەختێ جاران
عەشقا وێ ئەمێن ڕاکێشاین
ڤەژینا ئۆمێدا وێ
ژ من و تە مەزنترە
ژ وان پەیڤێن مە بۆ ئەڤینا وێ رێساین
پەسنەکە هێش وێڤەترە
نەفرەت وێ بارۆڤا ڕەشە بای
نێ ئەو پێنوسێ منە
ل پشت وێنێ وژدانێ خوە ڤەشارتی
هەبوونا وێ دەم و مۆرەکە
یا ب ئەنیا ئەنفالکریەکیڤە یا مای.
