ئاراز سالح: چیرۆكا گه‌نجێن خودان ئارمانج ب دووماهی هات
ئه‌ڤرۆ،
راهێنه‌رێ به‌رێ یێ تیما ته‌پا پێی یا یانه‌یا گاره دیار كر چیرۆكا ئه‌ڤان گه‌نجێن د ناڤ وێنه‌یێ بابه‌تی دا یێن خودان ئارمانجێن مه‌زن ب دووماهی هات پشتی ب بڕیاره‌كا فه‌رمی ژلایێ ئێكه‌تیا ته‌پا پێی یا كوردستانێ تیما وان بۆ پلا دو پاشڤه چووین.
زێده‌تر ئاراز سالح گۆت: ئه‌ڤ تیمه پێك د هێت ژ كۆمه‌كا گه‌نجێن ب هیڤیێن مه‌زن و ئارمانجێن ده‌ستكه‌ڤتان و حه‌زه‌كا مه‌زن بۆ یاریا ته‌پا پێی هه‌یی، ژبه‌ر كێمتر خه‌میا جهێن به‌رپرس هه‌موو بێ هیڤی مان و هه‌موو خه‌ونێن وان ژ ناڤ چوون، ئه‌رێ ما گۆنه‌ها ڤان گه‌نجان چییه! بتنێ وان دڤیا به‌رده‌وامیێ بده‌نه یاریا ته‌پا پێی و ب گه‌هنه هیڤیێن خوه و پتریا وان خودان شیانن و نوكه هه‌موو بێ كار ماینه و راوه‌ستیاینه و چو یانه ل پارێزگه‌ها دهۆكێ نه‌ماینه ده‌لیڤێ بۆ گه‌نجان چێكه‌ت و شیانێن خوه تێدا دیار بكه‌ت.
هه‌روه‌سان ناڤهاتی گۆت: ژبه‌ركو یانه‌یا گاره ده‌رگه‌هێ ئێكانه بوو ل پارێزگه‌هێ و ده‌ورۆبه‌ران ئه‌ڤ ده‌لیڤه دا گه‌نجان و سالێن دووڤدا به‌ر ب یانه‌یێن باشتر د چوون و نموونه د ڤان سالێن بۆری دا چه‌ندین یاریزانێن یانه‌یا گاره به‌ر ب یانه‌یێن پارێزگه‌هێ چووینه، لێ لڤێره قوتابخانا دروستكرنا یاریزانێن هه‌ژار و پێ نه‌چێبوویی ده‌رگه‌هێ وێ هاته گرتن و هه‌كه ئێدی گه‌نج به‌ر ب كارێن خراب بچیت چو گۆنه‌ها خوه نینه ژونكو ئه‌گه‌ر هیڤیێن گه‌نجی هاتنه ژ ناڤبرن پێشبینییا هه‌موو كاران ژی بكه، ئه‌م دشێین بێژین ته‌پا پێی ژلایێ رۆژهه‌لاتێ باژێرێ دهۆكێ نه‌ما ب كورتی د ڤێ وه‌لاتی دا گه‌نجێ هه‌ژار مافێ وه‌رزشێ ژی نینه.
