ئاراز ژ ئاستێ خوه یێ سترانگۆتنێ یێ رازی نینه
ئه‌ڤرۆ، هه‌رهین محه‌مه‌د:
سترانبێژێ گه‌نج ئاراز سوبحی، دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ستران گۆتن ل ده‌ف من ژیانه‌كا تایبه‌ته هه‌ر ده‌مه‌كێ بێزار و بێ هێز دبم گوهداریا سترانه‌كێ بكه‌م، یان سترانه‌كێ بێژم و مۆزیكه‌كێ ب ژه‌نم ل وی ده‌می گه‌له‌ك ئارام دبم و هه‌موو تشت ژ بیرا من دچیت و نه نوكه و نه ل پاشه‌رۆژێ ژ ئاستێ خوه یێ ستران گۆتنێ یێ رازی نینم، چونكو هونه‌ری چو دووماهیك نینن و كه‌س نه شێت هونه‌ری ب دووماهی بینت و هه‌رتشته‌كێ مرۆڤ فێربیت هێشتا یا كێمه و گه‌له‌ك تشتێن دی دێ مینن مرۆڤ فێر بیت و ستران گۆتنێ ژیانه‌كا ساده و ئارام و خوه‌ش دایه من و ئه‌ز ب ڤێ ژیانێ گه‌له‌كێ كه‌یف خوه‌شم و گه‌له‌ك حه‌ز ژ ستایلی َمۆزیكا كه‌ڤن و میلۆدێن خه‌مگین دكه‌م.
ناڤهاتی گۆت: گه‌له‌ك داخبارێ هونه‌رمه‌ندا عه‌ره‌ب (ئوم كه‌لسومێ) مه و نه ئه‌ز و نه‌چو كه‌سێن دی چو جاران ناگه‌هنه ئاستێ وێ یێ ستران گۆتنێ و هه‌موو هیڤیا من ئه‌وه خوه‌زی بتنێ جاره‌كێ من دیتبا بۆ من به‌س بوو نه كو من سترانه‌ك ل گه‌ل گۆتبا، چونكو دژیانا خوه هه‌میێ دا چو جارا ناگه‌همه ئاستێ وێ.
ئارازی گۆت ژی: هونه‌رمه‌ندێ راست و دروست هه‌كه هونه‌ر دژیان و روحا وی دا هه‌بیت دێ یێ دیار بیت كه‌سه‌كێ ئارام و سه‌رخوه یه و پێدڤیه ئامیره‌كی بزانیت ب ژه‌نیت و هه‌كه نه‌زانیت ئامیره‌كی ب ژه‌نیت دبیت گه‌له‌ك خه‌له‌تیا دگۆتنێ دا بكه‌ت و نه‌زانیت و هه‌كه سترانبێژ نه ئه‌كادیمی بیت، هه‌موو ده‌م بۆ من دخوه‌شن بۆ ستران گۆتنی، به‌لێ ئه‌و ده‌مه ژ هه‌موو ده‌مان خوه‌شتره ئه‌و كه‌سێن حه‌ز ژ ده‌نگێ مرۆڤی دكه‌ن گۆهداریا ده‌نگێ مرۆڤی بكه‌ن بۆ من ئه‌و ده‌مه یێ خوه‌شه، به‌لێ نوكه ستران گه‌له‌ك بێ بهابوویه و ل كافیان ستران دهێته گۆتن ژپێخه‌مه‌ت پاران و ئه‌و كه‌سێن دهێنه كافیان ژی بتنێ مژوولی یاریا و كێشانا نارگیلێ نه و هه‌ر گۆهداریا سترانێ ناكه‌ن، له‌ورا خوشترین ده‌م ئه‌وه ده‌مێ مرۆڤ سترانێ دبێژت هنده‌ك كه‌س گۆهێ خوه بده‌نێ كو حه‌زا هونه‌ری یال ده‌ڤ هه‌ی و بهایی بده‌ته وی سترانبێژی.
