ئارتینا: ئەم هەمی بەرپرسین ژ دەستدانا خالان
یێ ئسپانی مایكل ئارتینا ڕاهێنەرێ یانەیا ئارسنال یا ئنگلتەرایێ توورەیا خوە دیار كر پشتی تیما وی بەرانبەر یانەیا سەندرلاند د خولەكا 94ێ دا دو خال ژ دەستداین و تووشی وەكهەڤیێ بوو ب2-2 گۆلان، د یارییا واندا ئەوا ژ چارچووڤەیێ گەڕا 11ێ ژ خولا ئنگلتەرایێ هاتیە كرن.
د دیدارەكا رۆژنامەڤانی دا گۆت: یارییەكا بزەحمەت بوو لێ مە باشتر یاری دكر و هەتا خولەكا 94ێ ئەم سەركەڤتی بوون ژ نشكەكێ ڤە گۆلا وەكهەڤیێ ل سەر مە هاتە تۆماركرن، هەكە خەلەتیەك ژ یاریزانەكی هەبیت نا بیتە بوهانە بەلكو ئەم هەموو بەرپرسین ژ ڤێ ئەنجامی، هێشتا ئەم یێ ل سەرێ لیستێ ب 26 خالان دڤێت جهێ خوە پارێزین، ئەو شاشیێن پەیدابووین دێ چارەسەركەین.
