ئارزا سالح: جوداهی د ناڤبه‌را یانێن پارێزگه‌ها دهۆكێ دا دهێته‌كرن
ئه‌ڤرۆ، هه‌رهین محه‌مه‌د:
داخویانیه‌كێ دا راهێنه‌رێ یانا ئه‌كادیمیا پیرس و گاره ئاراز سالح بۆ رۆژناما ئه‌ڤرۆ دیاركر ل گه‌ل ئه‌كادیمیا پیرس ئه‌و مژوولی ئاڤاكرنا یاریزانێن بچووكن ب شێوه‌كێ زانستی و لدووڤ ستانداردێن جیهانی پێخه‌مه‌ت دروستكرنا نڤشه‌كێ نوو یێ یاریزانان سه‌رباری د نوكه دا ئاریشا مه‌زن یا هنده‌ك ژ وان یاریزانان چاڤدانا خوه ناكه‌ن كو ب گشتی ئاستێ وان رازی نینن و هه‌نه ژی دووڤچوونا خوه دكه‌ن و ل گه‌ل راهێنه‌رێن شاره‌زا ئاستێ خوه پێش دئێخن.
هه‌روه‌ساناڤهاتی ئه‌وچه‌نده ژی گۆت: وه‌كو راهێنه‌ره‌ك مه پلانێن باش هه‌نه هه‌كه ده‌لیڤه بده‌نه من و ده‌مه‌كێ گۆنجایی ژی هه‌بیت كو ماوێ سێ هه‌یڤا دێ شێن تیمه‌كا باش و نموونه چێكه‌ین به‌روڤاژی دماوێ هه‌یڤه‌كێ دا ئه‌و شیان نابن بۆ به‌رهه‌ڤیێن باشتر.
ژلایه‌كێ دووڤه ئاراز سالحی نه‌ڤه‌شارت ژی كو جهێن په‌یوه‌ندیدار جوداهیێ دناڤبه‌را یانێن پارێزگه‌ها دهۆكێ دا دكه‌ن و یانه هه‌یه ب سه‌ده‌هان ملیونان وه‌ردگریت و یانه هه‌یه هه‌یڤانه پێدڤی ب پێنچ ملیونایه و ئه‌وان پێنچ ملیونان ژی پرانیا هه‌یڤا ناده‌نێ و ژێ دبرن و ئێك ژوان یانا گاره‌یه كو جهێ دروستكرنا یاریزانان یه ئه‌وێن به‌ر ب یانا دهۆك و گه‌له‌كێن دی چووینه، لێ سالا بوری ژی كاودانێن یانا گاره گه‌له‌ك د خراب بوون و پێشبینیێ دكه‌م ئه‌ڤ ره‌وشه به‌رده‌وام بیت هه‌كه چو پشته‌ڤان نه‌بیت، كێشا سه‌ره‌كی یا مه راهێنه‌ران نه‌بوونا پشته‌ڤانیا مادی و مه‌عنه‌وی ب تایبه‌ت یاریزانا، ل كوردستانێ مرۆڤ نه‌شێت بتنێ كارێ راهێنه‌ریێ بكه‌ت و پێدڤیه كاره‌كێ دی ژی ل گه‌ل بكه‌ت ئه‌ڤچه‌نده ژی ئاسته‌نگه بۆ كارێ راهێنه‌راتیێ ژبه‌ركو یا دروست ده‌مێ راهێنه‌ری یێ ته‌رخانكری بیت بۆ تیما خوه ئه‌ڤه‌ژی ل كوردستانێ نینه و موچێ راهێنه‌ری گه‌له‌كێ كێمه و تێرا پێدڤێن وی ناكه‌ت.