ئارسنال و بەرشەلۆنا دێ بزاڤێن ڕاكرنا ئێكەم ئاستەنگ كەن
بڕیارە ئەڤرۆ ژی شەش یاریێن مایی ژ هەڤڕكیێن گەڕا ئێكێ یا قارەمانییا یانەیێن ئۆرۆپا قارەمانێن خولا چامپیۆنز لیگ ل یاریگەهێن جودا بهێنە ئەنجامدان، ئەوا بۆ جارا ئێكێ یە د دیرۆكا قارەمانیێن ئۆرۆپا ب شێوەك و سیستەمێ نوو دهێتە بڕێڤەبرن، دهێتە چاڤەڕێكرن هەر شەش یاری بڤێ رەنگی بهێنە كرن.
ل دەمژمێر 7:45 شەڤ دو یاری دێ هێنە كرن.
بایرن لیڤەركۆزێن دێ ل یاریگەها فاینۆرد بیتە مێڤان فاینۆرد رۆتردام یا هۆلەندی
سرڤینیا زڤیزدا یا سربی دێ مێڤاندارییا بەنفیكا یا پۆرۆتۆگالی كەت.
ل دەمژمێر 10 شەڤ چار یاری دێ هێنە ئەنجامدان.
یاریگەها جویس دێ مێڤاندارییا خودانێن ئەردی ئەتلانتا یا ئیتالی و هەڤڕكا وێ ئارسنال یا ئنگلتەرایێ كەت.
یانەیا مۆناكۆ یا فرەنسی ل یاریگەها خوە لویسێ دویێ دێ مێڤاندارییا بەرشەلۆنا یا ئسپانی كەت.
یانەیا لایبزیك یا ئەلمانی دێ ل پایتەختێ ئسپانیا مەدرید بیتە مێڤانا یانەیا ئەتلەتیكۆ مەدرید.
ستاد برێست یا فرەنسی دێ مێڤاندارییا شتۆرم گرانس یا نەمسایی كەت.
هەر 36 یانەیێن پشكدار ل سەر چار ئاستێن جودا و دووڤ پلەكرنا وەرزێ بۆری هاتبوونە بەلاڤكرن ئەوا پۆلینكرن ژلایێ فیدراسیۆنا فوتبۆلا ئۆرۆپا هاتیە دانان، یاریێن وان ب شێوەیێ خول ئێك قۆناغ بیت، هەر تیمەك دێ هەشت یارییان كەت، چار یاری د ناڤ ئەردێ خوە دا و چار ژ دەرڤەیی یاریگەهێ، ل دووماهیێ دێ رێزبەندی بۆ هەر36 تیما هێتە دانان، ئەو تیمێن ل رێزا ئێكێ هەتا هەشتێ ئێكسەر دێ دەربازبنە قۆناغا 16ێ، ئەو یانەیێن رێزا نەهێ هەتا 24ێ دێ یاریێن خوە ب شێوەیێ دو گەڕ ئەنجامدەن ژبۆ دەربازبوونا هەشت تیمێن دی بۆ قۆناغا 16ێ، لێ ئەو یانەیێن رێزا 25 هەتا 36ێ دێ ژ قارەمانیێ هێنە دوورئێخستن.
یارییا دووماهیێ دێ ل كیڤە بیت؟
بۆ زانین د قۆناغا 16ێ دا دێ شێوازێ هاتنۆچوون دناڤبەرا یانەیان هێتە كرن هەتا دگەهیتە یارییا دووماهیێ، بڕیارە یاریێن ئێكێ ل 17ێ هەتا 19ێ ئەیلۆنا بهێت دەستپێكەت، یاریێن دویێ ل ئێك و دو یا چرییا ئێكێ هێنە كرن، ل 22و 23ێ هەمان مەهـ یاریێن گەڕا سێیێ نە، دێ بەردەوامبن هەتا یارییا دووماهیێ ل 31ێ ئەیارا سالا 2025ێ ل یاریگەها ئالیانز ئارینا یا بایرن میۆنخ وەلاتێ ئەلمانییا هێتە كرن.
ئەڤ یاریێن خوارێ دیاركری یا چەند یانەیێن ب هێز دناڤ قارەمانیێ دا.