ئارمانجا ئەمریکا ژناڤبرنا بەرنامێ ئەتۆمی یێ ئیرانێ یە
وەزیرێ دەرڤە یێ ئەمریکا دیار کر، د نامەیا ترامپی دا داخواز ژ ئیرانێ هاتیە کرن کو دووماهیێ ب بەرنامێ خوە یێ ئەتۆمی بینیت، ئەمریکا یا رژدە کو بەرنامێ ئەتۆمی یێ ئیرانێ نەمینیت، هەکە بەرپرسێن ئیرانێ ب رێیا دانوستاندنان دووماهیێ ب بەرنامێ ئەتۆمی بینن ئەو یەک د بەرژەوەندیا وی وەلاتی دایە، چونکی هەکە ئیران بژاردەیا دانوستاندنان رەت بکەت ئەمریکا دێ ب رێیێن دی بەرنامێ ئەتۆمی یێ ئیرانێ ژناڤ بەت.
مارکۆ روبیۆ ئەو یەک ژی دیار کر، ژ بلی بەرنامەیێ ئەتۆمی مە داخواز ژ ئیرانێ کریە، کو دەست ژ پشتەڤانیا گرۆپێن چەکدار ل رۆژهەلاتا ناڤین بەردەت، هەکە ئیران داخوازیێن ئەمریکا قەبوول نەکەت دێ هەموو رێک ل دژی ئیرانێ هێنە بکارئینان، لێ وەکو ئەمریکا وان دڤێت ب رێیا دانوستاندنان پرسا بەرنامێ ئەتۆمی و پرسێن دی یێن ل گەل ئیرانێ چارەسەر بکەن و دڤێت بەرپرسێن ئیرانێ ژی د زووترین دەم دا بەرسڤا ئەمریکا بدەن.
