ئارمانجا دیدارا لاوان ژ هندێ مەزنتر بوو ب تنێ دەلیڤەیێن كاری پەیدا بكەت
ئەڤرۆ
هەرهین محەمەد
بەرپرسێ مالا لاوان دیار كر، ئارمانجا دیدارا لاوان ئەو نەبوو گەنجی بكەنە خودان كار، لێ ئارمانجا دیدارا لاوان مەزنتر بوو، سەرەرای هندێ ببوو ستەیجەك لاوێن مە ئەو پرۆژێ هەی پێشكێشی لایەنێن پەیوەندیدار بكەن و گۆت: كۆمەكا لاوێن پارێزگەها دهۆكێ پرۆژێن خوە هەبووینە و دیدارا لاوان بۆ پالپشت و هاریكارێ ڤان لاوان و ئەڤ چەندە ژی بۆ ئەگەرێ هندێ سەرۆكێ حكومەتا هەرێما كوردستانێ كێمتر ژ 48 دەمژمێران هاتە سەرخەت و ژ لایێ مادی ڤە پشتەڤانی ل خودان پرۆژێن خومالی یێن گەنجان هاتەكرن.
كاوار نێروەیی، بەرپرسێ مالا لاوان ل دهۆكێ د دیدارەكێ دا بۆ رۆژناما ئەڤرۆ گۆت: مالا لاوان یا ئێكەتیا لاوێن دیموكرتا كوردستانێ چالاكیێن بەرفرەهێن هەمە جۆر ئەنجام دەت، بەرنامە و پلانێن وێ د بەردەوامن ل گۆرەی وەرزێ نوی و ل دووڤ پێدڤیا گەنجی بەردەوام هزر د وان چالاكیان دكەین یێن دەر ئەنجامەك هەبیت و لاوێ مە مفای ژێ ببینت و ل شەڤێن هەیڤا رەمەزانا پیرۆز مە چالاكی هەنە و ئەم ئەنجام ددەین.
زێدەتر گۆت: ئەڤ جۆرە چالاكیە د ڤێ هەیڤێ دا دێ د بەردەوام بن و پشتی جەژنێ ئێكسەر دێ مە چیرۆكا لاوێن سەركەفتی هەبیت و دێ كومەكا گەنجان د ناڤ ڤی پرۆژەی دا پشكداركەین و دێ چالاكیەكا جۆری بیت ژ بۆ بۆ هندێ تێستا گەنجان و ئەو گەنجێن د پرۆسا خوە یا ژیانێ و كاری دا سەركەفتین بێ كو چ پالپشتی یا مادی لێ بهێتەكرن و د وێ چالاكیێ شیانێن خوە دیاربكەت و سەركەفتنێ بینت د وان پلانان دا یێن كو د ژیانا خوە دا بۆ خوە دانانین و بەرهەمەكی ب دەست خوە ڤە بینن و ببنە ئەگەری ژ دایك بوونا پرۆژێن مەزنتر ل دەڤ لاوان.
كاواری هێشتا ژی گۆت: ئارمانجا دیدارا لاوان ئەو نەبوو گەنجی بكەنە خودان كار و ئارمانجا دیدارا لاوان مەزنتر بوو، سەرەرای هندێ ببوو ستەیجەك لاوێن مە ئەو پرۆژێ هەی پێشكێشی لایەنێن پەیوەندیدار بكەن و سەرۆكی َحكومەتا هەرێما كوردستانێ هاریكار و پشتەڤانیا خۆ بۆ لاوان دیار كر. هەروەسا من هزار خوە و ئەو ئاریشێن گرێدای ژینگەها مە ب گشتی لاوێ مە ب تایبەتی دارشتنا وان جۆرە ئاریشان بكەت و رێكارێن چارەسەریێ بۆ وان ئاریشان بینیت.
خویاژی كر، ئەو پێشانگەها ل دەستپێكێ و ئوپنینگا دیدارا لاوان پشتەڤانی ل وان پرۆژان كرن و كومەكا لاوێن پارێزگەها دهۆكێ پرۆژێن خوە هەبووینە و بەردەوامی هەبوویە و دیدارا لاوان بۆ پالپشت و هاریكارێ ڤان لاوان و ئەڤ چەندە ژی بۆ ئەگەرێ هندێ سەرۆكێ حكومەتا هەرێما كوردستانێ كێمتر ژ 48 دەمژمێران هاتە سەرخەت و ژ لایێ مادی ڤە پشتەڤانی ل خودان پرۆژێن خومالی یێن گەنجان هاتەكرن و ئەڤ گەنجە ژی پتر 60 كەسا بوون و ئەو بۆ هاریكاری و پشتەڤانی ژلایێ مەسرور بارزانی ڤە هاتە پێشكێشكرن.
ئارمانج ئەو بوو پشتەڤانیا پرۆژێن خومالی یێن كەرتێ تایبەت كو ژلایێ لاوان ڤە دهێنە ب رێڤەبرن و ئەڤە ژی ئێك ژ خالێن گرنگێن كارناما كابینا نوی یا حكومەتا هەرێما كوردستانێ و ئەڤە دێ بیتە دەرگەهەك كو سالانە پشكداریێ د ڤان جۆرە پێشانگەهان دا بكەن و پشتەڤانی ل لاوان بهێتەكرن و مەبەستا سەرەكی ئەوە ڤەژاندنێ بێخنە د كەرتێ تایبەت دا و گەنج ل سەر خوە كاربكەن و نە هەر چاڤێ وان ل حكومەتێ بیت و دەرفەتەكا كاری بۆ بینیت.
زێدەتر گۆت ژی: مالا لاوان هەر ژ دەستپێكا خوە ل سالا 2008 هەتا نوكە ب هزارەها چالاكی ل دور رەوشەنبیركرنا لاوی و نشتیمانی و نەتەوەیی سیاسی و ئاینی خولێن زمانی و تەكنیكی و پشتی ب دەست كاربوونا من گەلەك تەكەزێ ل سەر پرس و ئاریشە و داخازێن لاوان دكەین و هەتا چەند پێشانگەهێن دەرفەتا كاری مە ڤەكرینە و چەندین كوربەندێن جودا جودا كو كەلتور و جوانكرن و بهاكرنا كاری و دیسان هەماهەنگیا كەرتێ تایبەت و حكومی ژ بۆ ڤەدیتنا كاری بۆ لاوێن پارێزگەها دهۆكێ.
