ئاريشا خاڤيا ئه‌نترنێتێ چاره بوويه
ئه‌ڤرۆ نيوز:
وه‌زاره‌تا په‌يوه‌ندى و گه‌هاندنێ ل حوكمه‌تا هه‌رێما كوردستانێ راگه‌هاند كو ئه‌و ل گه‌ل هه‌ردو كۆمپانيێن فاست لينك و نه‌ورۆز ئاخفتينه ل دۆر لاوازيا هێلا ئه‌نترنێتێ، دێ دووڤچوونا گازندێن وه‌لاتيان ژى كه‌ن.
ئاخفتنكه‌رێ ب ناڤێ وه‌زاره‌تا په‌يوه‌ندى و گه‌هاندنێ د داخۆيانيه‌كا رۆژنامه‌ڤانى دا راگه‌هاند كو ئه‌وان دانوستاندن ل گه‌ل رێڤه‌به‌رێ هه‌ردو كۆمپانيێن نه‌ورۆز تێليكۆم و فاست لينك كريه ل دۆر خزمه‌تێن ئه‌نترنێتێ و ئه‌وان ژى ژ لايێ خوه ڤه ئاشكه‌را كريه كو نها خزمه‌تێن وان دباشن و د رێكخستينه و هه‌ر ئاريشه‌كا په‌يدا بوو ئه‌و دێ چاره كه‌ن.
ئاشكه‌را ژى كو وه‌زاره‌ت دووڤچوونا كێشا ئه‌نترنێتێ دكه‌ت و نها ئاريشا خاڤيا هێلا ئه‌نترنێتێ 2%يه، ئه‌ڤه ژى ل جيهانێ تشته‌كێ ژيوارى يه و ل دووڤ پيڤه‌رێن جيهانى يه.
نه‌ڤه‌شارت ژى كو هه‌ر كۆمپانيه‌كا خزمه‌تێن وێ بۆ ماوێ 24 ده‌مژمێران ب راوه‌ستن پێدڤيه پشكدارێن خوه قه‌ره‌بوو بكه‌ت.
