ئاریشا ده‌رچوویێن 12 ئاماده‌یی یێن كۆنمرا وان بلند هاته چاره‌سه‌ركرن
ئه‌ڤرۆ:
د. ئارام محه‌مه‌د قادر، وه‌زیری خواندنا بلند و ڤه‌كۆلینێن زانستی، سه‌رپه‌رشتیا كۆمبوونه‌كا نه‌ئاسایی یا جڤاتا وه‌زاره‌تێ ب شێوێ ئۆنلاین بۆ چاره‌سه‌ركرنا پرسا ده‌رچوویێن پۆلا 12 ئاماده‌یی یێن كۆنمرا وان یا بلند كرد.
د كۆمبوونێ دا بڕیار هاته‌دان ئه‌و ده‌رچوویێن پۆلا 12 ئاماده‌یی یێن كۆنمرا وان 99 و سه‌ردا ل كۆلیژا نۆشداری یا گشتی نه‌هاتینه وه‌رگرتن، پشتی هه‌ژماره‌كا كۆرسیان ل كۆلیژێن نۆشداریا گشتی یێن هه‌ولێر، سلێمانیێ، كۆیه و گه‌رمیان، بهێنه وه‌رگرتن، دیسا ئه‌و كۆرسیێن ڤالا دمین ژ ئه‌گه‌رێ سه‌رئێخستنا وان ده‌رچوویان ژ كۆلیژێن نۆشداریا ددان و ده‌رمانسازی، ئه‌و قوتابیێن دی دێ چنه جهێ وان كو داخوازا ڤان هه‌ردو كۆلیژان كربوو و نه‌هاتبوونه وه‌رگرتن.
وه‌زاره‌تا خواندنا بلند ئاشكرا كریه كو چاره‌سه‌ركرنا ئاریشا وان ده‌رچوویێن پۆلا 12 ئاماده‌یی، د چارچوڤێ پرسه‌كا هوور و دادپه‌روه‌رانه دایه، د ناڤبه‌را قوتابیان دا، ل دووڤ رێزبه‌ندیا نمره‌یێن وان كو ژ لایێ ناڤه‌ندا وه‌رگرتنێ ل وه‌زاره‌تێ دهێته بجهئینان، پشتی پرۆسه تمام دبیت؛ ئه‌نجام بۆ قوتابیان دێ هێنه به‌لاڤكرن.
