ئاریشا رووناهیا ناڤا بازارێ دێره‌لۆكێ هاته چاره‌سه‌ركرن
ئه‌ڤرۆ نیوز، مه‌حمود نهێلى:
ئاریشه‌یا تێكچوونا رووناهیا ناڤ سه‌نته‌رێ ناحیا دێره‌لۆك ژلایێ رێڤه‌به‌ریا به‌لاڤكرنا كاره‌بێ ل قه‌زا ئامێدیێ هاته چاره‌سه‌كرن و ل به‌ره ئاریشه‌یا روناهیێ ل سه‌رانسه‌رێ ده‌ڤه‌را ئامێدیێ چاره‌سه‌ربكه‌ن.
ئه‌ندازیار ئارام جه‌لال رێڤه‌به‌رێ به‌لاڤكرنا كاره‌با قه‌زا ئامێدیێ ب وه‌كاله‌ت بو ئه‌ڤرۆ نیوز دیاركر، كو ئه‌و رابووینه ب چاره‌سه‌كرنا ئارشه‌یا كێبلى روناهیا جادا سه‌ره‌كى ل ناڤ سه‌نته‌رێ ناحیا دێره‌لۆك و سه‌خبێكرنا بلاجكتورێن ده‌سپێكا دووسایدێ دێره‌ك و ناڤ بازارێ و گۆت: بتنێ پارچه‌یه‌ك مایه نه‌هاتیه چاره‌سه‌كرن و دێ د ده‌مه‌كى نێزیك دا ئه‌و ژى هێته چاره‌سه‌ركرن.
ناڤهاتى ئاشكرا ژى كر، ئه‌وان روناهیا جوتسایدیێ رێكا مرێبكا و روناهیا ته‌حتا سیلاڤێ و گوندێ گوهه‌رز و گوندێ دێرێ چاره‌سه‌ركریه و دیار ژى كر، كو ئه‌و دێ به‌رده‌وام بن ل سه‌ر كارێ سه‌خبێكرنێ تا ئاریشه‌یا رووناهیێ ل ته‌ڤایا قه‌زا ئامێدیێ بهێته چاره‌سه‌ركرن.
