ئاریشا سه‌ربڕخانێ ل ده‌ڤه‌را ئامێدیێ دێ هێته چاره‌سه‌ركرن
ئامێدیێ، مه‌حمود نهێلی:
سه‌ربڕخانه‌ك ل سنوورێ ده‌ڤه‌رداریا ئامێدیێ ل كۆمه‌لگه‌ها قه‌دش دهێته چێكرن و گوژمێ پێدڤی بۆ هاتیه ته‌رخانكرن.
وارشین سه‌لمان، ده‌ڤه‌ردارێ ئامێدیێ بۆ رۆژناما ئه‌ڤرۆ دیار كر، ب مه‌ره‌ما چاره‌سه‌ركرنا ئاریشا سه‌ربڕخانێ ل ده‌ڤه‌رێ، رازیبوون ل سه‌ر چێكرنا سه‌ربڕخانه‌كێ هاتیه كرن و نوكه كار ل سه‌ر دهێته كرن.
وارشین گۆت: “رێڤه‌به‌ریا چاندنێ ل گه‌ل ئه‌ندازیارێن رێڤه‌به‌ریا ڤێتێرنه‌ری و سه‌رۆكاتیا باژێرڤانیا قه‌دش ل ناوچه‌دریا سه‌رسنكێ جهه‌ك ده‌ستنیشانكریه و ژلایێ حكومه‌تا هه‌رێما كوردستانێ ڤه ژی گوژمێ 679 ملیۆن دینار بۆ هاتینه ته‌رخانكرن”. گوتژی: “ئاڤاكرنا سه‌ڕبرخانێ ل سنوورێ ده‌ڤه‌رداریا ئامێدیێ دێ مفایه‌كێ مه‌زن گه‌هینیته گوشتفرۆش و وه‌لاتیان، دیسا بۆ پاراستنا ساخله‌میا وه‌لاتیان ژی یا باشه، بڕیاره پرۆژه د ده‌مێ خوه یێ دیار كری دا ب دووماهی بهێت و بكه‌ڤیته د خزمه‌تا خه‌لكێ ده‌ڤه‌رێ دا”.
