ئاریشا گلێشی ل زاخۆ دهێتە چارەسەر کرن
ئەڤرۆ نیوز، عەلی حاجی:
سەرۆکێ باژێرڤانیا زاخۆ د داخویانیەکێ دا بۆ ئەڤرۆ نیوز دیار کر پشتی کومبونەک ل وەزارەتا شارەوانیێ هاتیە ئەنجام دان ئاریشەیا گلێشی ل زاخۆ بەرەڤ قوناغێن دوماهیێ یێ چارەسەر بونێ ڤە چوویە .
زێدەتر بژار مونیب گوت: (ل حەفتیا بوری ل دور ئاریشەیا گلێشی ل زاخۆ کومبونەک ل وەزارەتا شارەوانیێ ب بەرهەڤبونا وەزیرێ شارەوانیێ و رێڤەبەرێ گشتێی باژێرڤانیان ل پارێزگەها دهوکێ و سەروکێ دیوانێ و باژێرڤانیا زاخۆ و کومپانیا هیزل ب رێڤە چوو دا کو رێکارێن چارەسەریێن بۆ ئاریشەیا گلێشی ل زاخۆ بهێنە دیتن، دەرەنجامێن وێ کومبوونێ دل خوەشکەر بون ژبەر کو قوناغێن چارەسەریێ بۆ وێ ئاریشەیێ بەرەڤ دوماهێی ڤە چووینە،ژ نێزیک ڤە ژی ئەم چاڤدێریێ ل سەر وێ ئاریشەیێ دکەین و پشتی وێ کومبونێ ژ رویێ کارکرنێ ڤە ژلایێ کومپانێی ڤە گهورین دروست بوینە و ئەم ب هێڤی نە ب ئێکجاری ئەڤ ئاریشەیە بهێتە چارەسەر کرن).
