ئاریشا یانا به‌رده‌ره‌ش خرابیا ره‌وشا ئابووریه
ئه‌ڤرۆ،ره‌مه‌زان زه‌كه‌ریا:
د داخویانیه‌كێدا سه‌رۆكێ یانا به‌رده‌ڕه‌ش یا وه‌رزشی دیاركر ئاسته‌نگێن به‌رده‌وام و سه‌ره‌كی یێن یانێ خرابیا ره‌وشا ئابووریه سه‌ره‌رای ڤێ ره‌وشا خراب ئه‌وا نوكه یانه تێدا ده‌ربازدبیت ره‌نگه ل گه‌له‌ك یانه‌یێن سنوورێ پارێزگه‌ها دهۆك باشتر بین لێ دخوازن ره‌وشا یانێ باشتر ببیت.
زێده‌تر سه‌میر عه‌بدولقادر بۆ رۆژناما ئه‌ڤرۆ گۆت: ئه‌م نوكه یێ بزاڤێ دكه‌ین لاوێن ده‌ڤه‌رێ به‌ره‌ڤ پێش ببه‌ین و ئاستێ وان باشتر بكه‌ین مه تیما لاوان هه‌یه و یاریزانا به‌رهه‌ڤ ژبه‌ركو رێژا وان نه‌ماینه و به‌ر ب یانه‌یێن ئاكرێ، شێخان و دینارته یاریێ دكه‌ن له‌وما بزاڤێ دكه‌ین تیما لاوان باش دروست بكه‌ین و یاریزانێن ده‌ڤه‌رێ بن هه‌كه لاوان پێنه‌گه‌هینین دێ وه‌رزش پتر به‌ر ب خرابیێ چیت.
سه‌رۆكێ یانا به‌رده‌ڕه‌ش ئاشكراكر هێشتا ده‌م بۆ خولا پله دو نه‌هاتیه دیاركرن لێ هه‌رده‌ما هاته ده‌ستیشانكرن راگه‌هاندن مه شیانێن هه‌ین پێكهاته‌كا باش دروست بكه‌ت و ده‌ست ب راهێنان و به‌رهه‌ڤیان بكه‌ت ب هێز ڤه پشكداری خولا پله دو یا كوردستانێ بكه‌ت.
