ئاریشەیەكا جڤاكی یا بەری 36 سالان ل زاخۆ هاتـە چارەسەركـرن
زاخۆ، دلۆڤان هالۆ:
ل ئیدارەیا سەربخوە یا زاخۆ، ئاریشەیەكا جڤاكی یا بەری 36 سالان د ناڤبەرا دو مالباتان دا هاتە چارەسەركرن.
لقێ هەشت یێ پارتی دیموكراتی كوردستان ل زاخۆ دیار كریە كو ب ئامادەبوونا سەربەست لەزگین، ئەندامێ مەكتەبا سیاسی یا پارتی و بەرپرسێ مەكتەبا ڕێكخستنا پارتی ل پارێزگەها دهۆكێ و عومەر ئۆرەیی، بەرپرسێ لقێ هەشت یێ پارتی ل زاخۆ و ڕهسپی و كەسایەتیێن دەڤەرێ، د ڕێوڕەسمەكێ تایبەت دا مالباتا سەعدی قاسم مالا عەجەمێ و مالباتا ڕەئۆف مەلا جامی شەرانشی ل سەر ئاریشەیەكا جڤاكی یا بەری 36 سالان پێكهاتن.
لقێ هەشت یێ یا پارتی، ئاماژە ب وێ چەندێ ژی كر كو بەری 36 سالان ئاریشەیەكا جڤاكی د ناڤبەرا مالباتا سەعدی قاسم مالا عەجەمێ و مالباتا ڕەئۆف مەلا جامی شەرانشی دا دروست ببوو، لێ د ڕێوڕەسمەكێ تایبەت دا ئەو ئاریشە ب دووماهی هات و هەردو مالبات پێكهاتن.
