ئارەزوویا كۆمكرنا كامیرەیێن كەڤن هەیە
بێوار حەمدی:
وێنەگر (ئیڤان حەجی) كو دناڤ مالباتەكێ دا مەزن بوویە پتریا ئەندامێن وێ وێنەگرن، د دیدارەكێ دا بۆ رۆژناما ئەڤرۆ گۆت: ل سالا 2007 من وەك وێنەگر ل بنگەهێ لالش یێ رەوشەنبیری و جڤاكی كاردكر، پاشان چۆمە چەند كەنالان و هەتا نوكە یێ بەردەوامم و من وێنەشویەك ل خانكێ هەیە، هەروەسا ل گەل چەند رێكخراوان ژی هەمان كاركریە.
هەروەسا گۆت: ژبەر حەزا من بۆ كامیرێ و وێنەگرتنێ هەتا نوكە نێزیكی 200 كامیرەیان من ل دەف خوە كۆمكرینە و كەڤنترین كامیرە ژی یا سالا 1892یە و دپلانا مندایە مۆزەخانەیەكێ ڤەكەم، هەروەسا دێ پرتووكخانەك ژی ل گەل بیت.
