ئازاد ئه‌حمه‌د: جاما ئیراقێ پێنگاڤا ئێكێ یا ئارمانجێن مه‌نه
ئه‌ڤرۆ،
د داخویانیه‌كێدا سه‌رپه‌رشتێ تیما ته‌پا پێی یا یانا دهۆكێ بۆ رۆژناما ئه‌ڤرۆ دیاركر كو یاریا وان یا ئه‌ڤرۆ ل گه‌ل خودانێن ئه‌ردی یانا رومادی دێ بیته پێنگاڤا ئێكێ بۆ كاروانێ تیما وان د قاره‌مانی و خولا پلا ئێكا ئیراقێ دا و رژدین بۆ ب ده‌ستڤه ئینانا ئارمانجێن خوه.
زێده‌تر ئازاد ئه‌حمه‌د بۆ رۆژناما ئه‌ڤرۆ گوت: بۆ وه‌رزێ نوو كارگێریا یانێ ب رژدی و ئارمانج پلان بۆ پشكداریێن تیما مه یا ته‌پا پێی د خول و قاره‌مانیا ئیراقێ دا پێخه‌مه‌ت ڤه‌گه‌ڕاندنا هێزا دهۆكێ ب تایبه‌ت هیڤی و ئۆمێدێن مه ده‌ربازبوونا تیمێ یه بۆ خولا پلا نایاب سه‌رباری ئه‌ركێ مه ب سانه‌هی نابیت، لێ به‌رهه‌ڤیێن تیمێ بۆ ماوێ زێده‌تر هه‌یڤ و نیڤه هاتبوونه كرن و دانانا كه‌مپێ راهێنانێ و یاریێن هه‌ڤالینی و ئینانا چه‌ند یاریزانێن خودان شیان پێخه‌مه‌ت باشترین به‌رهه‌ڤی نه، یاریا مه یا ئه‌ڤرۆ ل گه‌ل رومادی ژ جاما ئیراقێ دێ بیته پێنگاڤا ئێكێ یا ئارمانجێن مه و ڤێ یاریێ چو كێمتر نا دانین ژ هه‌ر یاریه‌كا دی كو دێ بزاڤێ كه‌ین سه‌ركه‌فتنێ تۆماربكه‌ت پێخه‌مه‌ت پالده‌ره‌كێ هێزێ بیت بۆ تیمێ به‌ری ب كه‌ڤینه د وه‌رزێ نوو یێ خولا پلا ئێكا ئیراقێ دا سه‌رباری ئه‌ركێ مه ب زه‌حمه‌ته و یاری بهێزه ل گه‌ل تیمه‌كا هه‌ڤڕك و خودان ئه‌رد و جه‌ماوه‌ره.
ژلایه‌كێ دووڤه ناڤهاتی ئه‌وچه‌نده ژی دیاركر كو كارگێریا یانێ لدووڤ شیانێن خوه هه‌ر تشته‌كێ پێدڤی بۆ تیمێ ته‌رخانكریه و رژدن یانا دهۆك ڤه‌گه‌ڕێته جهێ خوه یێ دورست ئه‌وژی پلا نایابا ئیراقێ یه، سه‌رباری ئه‌ڤچه‌نده ب سانه‌هی نابیت و كاروانێ تیما مه یێ درێژه لێ رژدی و گیانێ هێزێ و پێكڤه دێ شێن ئارمانجا خوه بجهبینن.
