ئازاد محەمەد: ب پشتەڤانییا مەسرۆر بارزانی پلان بۆ وەرزێ نوو یێ خولێن كوردستانێ هاتەدانان
ل چارشەمبییا بۆری رێورەسمێن پشككێشانا وەرزێ نوو یا خولا پلا نایابا كوردستانێ یا تەپا پێی ل هەولێرا پایتەخت هاتە دانان، ئەوا ژلایێ فیدراسیۆنا تەپا پێی یا كوردستانێ و ب ئامادەبوونا نوونەرێن هەر 16 یانەیێن پشكدار هاتییە كرن و د ئەنجامدا یاریێن گەڕا ئێكێ دێ ل ئێكێ ڤێ هەیڤێ ب ڤی شێوەیی هێنە ئەنجامدان:
یاریێن رۆژا چارشەمبی: زاخۆ- ئاكرێ، رانیە- دەربەندیخان، هندرین پێشمەرگەیا هەولیر، شەقلاوە- برایەتی، رۆژا پێنج شەمبی: سەید سادق- دهۆك، چارقۆرنە- هەولێر، ئارارات- سیرۆانی نوو، شێروانە- سۆران، بۆ زانین هەمی یاری دێ ل دەمژمێر 2:30 پشتی نیڤرۆ دێ هێنە كرن.
ئازاد محەمەد ئەندامێ فیدراسیۆنا تەپا پێی یا كوردستانێ بۆ رۆژنامەیا ئەڤرۆ گۆت: ب پشتەڤانییا بەرێز مەسرۆر بارزانی سەرۆكێ حوكمەتا هەرێما كوردستانێ مە پلان و بەرنامە بۆ هەمی چالاكیێن وەرزێ نوو یێن خولێن كوردستانێ، پلا نایاب، ئێك، دو و فوتسالێ كو پشتەڤانییا دارایی بۆ دو قۆناغا دانایە و دگەهیتە نێزیكی 800 ملیۆن دیناران، ئەڤچەندە ژی بۆ ئەگەر ئەم ب زاخەكا بلند و باشترین شێوە بۆ وەرزێ نوو یێن چالاكیێن ئەڤ سالە رێكبێخین، دیسان 127 دادڤانێن هێلا ناڤەراست و یێن هاریكار كەڤتبوونە د تاقیكرنێن تیۆری و پراكتیكی دا ژبۆ باشترین بەرهەڤییا وان و زانینا دووماهی پێشهاتەیێن یاسایا تەپا پێی یا فیفایێ و رێنمایێن نوو.
ژلایەكێ دووڤە ناڤهاتی گۆت: ژڤانێ هەمی خولێن تەپا پێی، فوتسالێ ل سەر ئاستێن جودا و بڤی رەنگی، وەرزێ نوو یێ خولا پلا نایابا ل دەستپێكا ڤێ مەهێ بیت، بۆ وەرزێ نوو یێ خولا پلا ئێك 15 چڕیا دویێ یا بهێت ژڤانێ دەستپێكرنا هەڤڕكیێن خولێ یە، هەردیسان بۆ خولا فوتسالێ ل سەر ئاستێ كچان بڕیارە ل 15 كانوونا بهێت دەستپێبكەت و دێ چەند كۆمبوون هەبن ژبۆ زانین هژمارەیا یانەیێن پشكدار.
