ئازاد محەمەد: مە چو پەیوەندی ب شاندێ فۆتسالا كچان
ل فرەنسا ڤە نەبوویە
ئەڤرۆ
د داخویانیەكێ دا ئەندامێ ئێكەتیا تەپا پێی یا كوردستانێ دیار كر ئەو شاندێ تیما فۆتسالێ یا كچان بەری چەند رۆژان ژ هەرێمێ بەر ب وەلاتێ فرەنسا چوویی ژبۆ دانانا كەمپەكێ راهێنانێ ئەوان چ پەیوەندی پێڤە نینە.
زێدەتر ئازاد محەمەد بۆ رۆژناما ئەڤرۆ گۆت: چوونا تیما فۆتسالا كچان بۆ فرەنسا بێ رازەمەندیا مە بوو، مە چ پەیوەندی پێ ڤە نەبوویە دیسان چ كەس ژلایێ مە ڤە دگەل شاندی نینن، بەلكو ژلایێ سەنتەرێ نشتیمانی یێ فرەنسا و ئێكەتیا تەپا پێی یا ئیراقێ دگەل بالیۆزخانەیا ئیراقێ ل پاریس ڤە هاتیە رێكخستن، ئەڤچا ئەوا روودایی خوە ڤەدزینا یاریزانەكا تیما وان ل فرەنسا نە بەرپرسین.
هەروەسان ناڤهاتی گۆت: هەرچەندە هاتبووینە ئاگەهداركرن و ئەز وەكو سەرۆك شاندبم لێ ژبەركو ئەڤ تیمە ل دووڤ داخوازی و بووچوونا مە نەبوویە لەوما مە خوە ڤەكێشا و پشتەڤان ژی نەبووین، ئەو دەمێ ئێكەتیا تەپا پێی یا كوردستانێ شاندەكی بۆ دەرڤەیی وەلاتی ب هنێریت ل دووڤ رێنما و پێرابوونێن دژوار و پلان دهێنە كرن پێخەمەت چ روودانێن بڤی شێوەیی نە سەرهلدەن و چەندین شاندنێن جودا یێن كارگێری، هەلبژارتی، راهێنەر و دادڤان بۆ دەرڤەیی وەلاتی هنارتی نە بێ ئاریشە ڤەگەڕیاینە، لەوما ئەوا ئەنداما ئێكەتیا تەپاپێی یا ئیراقێ رەشا تالب دیاركری دوورە ژ راستیێ و دڤێت داخوازا لێبۆرینێ بكەت بەرۆڤاژی مە مافێ هەیی سكالایێ دژی وێ تۆماربكەین.
بۆ زانین ل حەفتیا بۆری پشتی شاندەكێ تیما فۆتسالێ ل هەرێما كوردستانێ بەر ب فرەنسا چوویی بۆ كەمپەكێ راهێنانێ كچەكا ئێزدی ئەوا دگەل شاندی تیمێ ژ نشكەكێ ڤە خوە ڤەدزیە و دیار نینە.
