ئازراندنا بابەتێ دو ئیدارەی و شەرێ ناڤخوە د بەرژوەندا کێ و چ دایە؟
هەرچەند کوردستان د کاودانێن زور هەستیار دا دەرباز دبیت، لێ چ دەمان وەك نوکە پێشگیریا نیڤدەولەتی بو سەربەخویا کوردستانێ دروست نەبویە.
پێشمەرگەهێن قەهرەمان یێن بوینە سەمبولا دیموکراسیەتی و ئاشتیێ لـ جیهانێ و تاکە هێزە کو روبەرویێن تێروریستێن داعش بوینە و پێش هەمی دونیایێ ڤە یێن شەرێ تێرورێ دکەن، و بەرگیری کرن و پاراستن ژ ئاخ و کەرامەتا گەلی کوردستانێ و پاراستنا مروڤایەتیێ بـ سەرکێشیا تاکە سەرکردە و رێبەر جەنابێ سەروك مەسعود بارزانی کو میناکێن وی لـ جیهانێ نینە کو سەروکێ دەولەتێ رێبەراتیا بەروکێن شەری بکەتن، دکەن.
ئیراقا فێدرال ژی ئەڤە پتر ژ سال و نیڤایە شەرێ سیاسی بـ رێکا برینا بودجە و موچەیێن خەلکی کوردستانێ دگەل هەرێمێ دکەت، جێگیر نەبونا بارێ گوزەرانا خەلکێ کوردستانێ، قەیرانێن ئێك لـ دویڤ ئێك لـ هەرێمێ (کەهەرب، بەنزین)بـ تایبەتی خەلکێ هەژار و نەدار بێهن تەنگ کریە.
ئەڤە هەمی ژلایەکێ ڤە لێ شەرێ دەرونیا هندەك دەزگەهێن میدیایێن سیبەر و راگەهاندنێن سەر بـ بزاڤا گوران و هندەك لایەنێن دیتر بارێ سایکولوژی و گوزەرانێ خەلکی بـ زەحمەت ئێخستیە.
د ڤان کاودانێن بەرتەنگ دا خەلکێ کوردستانێ پێدڤی بـ ئێکگرتنا مالا کوردستانی، ئارامی و ئاشتیا کومەلایەتیە، پێدڤیە هەمی لایەنێ سیاسی و دەزگەهێن راگەهاندنێ د چارچوڤێ ئاشتیا کومەلایەتی و ئێکریزیا نشیتمانی گەلێ کوردستانێ کار بکەن. نە بـ بەلاڤەکرن و گێرانا میزگەردێن نە د بەرژەوەندیا گشتی و نشتیمانی دا بەروکێن شەری سست بکەن و مەعنەویاتێن پێشمەرگەهـ و خەلکێ کوردستانێ لاواز و کز بکەن.
گەلو ئازراندنا بابەتێ دو ئیدارەی و شەرێ ناڤخوە د بەرژوەندا کێ و چ دایە؟کی مفادارە ئەگەر دو ئیداریی لـ کوردستانێ دا دروست ببیت؟بوچی هندەک راگەهاندنێن کوردستانی هند بـ ئاسانی بوینە دار دەستێن ئەجندایێن دەرکی و بـ ئازراندنا دو ئیدارەیی پرسا سەربەخویا کوردستانێ د بیردانکا خەلکی دا کز دکەن؟بوچی شەرێ ناڤخو و دو ئیدارەیی بوینە بابەتێ هندەك بەرنامە و میزەگردێن وان کەنالان؟ ئیسرارا وان کەنالان بو راکێشانا هێزێن کوردستانی بو دو ئیدارەیی و شەرێ ناڤخوە ژ چ سەرهەلددەت؟
ددەمەکێ دا د مێژویا کوردستانێ دا چ جاران هندی ڤێگاڤێ نێزیکێ دەولەتێ نەبویە، و ئەڤە هەمی بو سیاسەتا حەکیمانە و سەرکردەیێ مێژویا گەلێ کوردستانێ بەرێز سەروك بارزانی و پێشمەرگەهـ و ئیرادا خەلکێ کوردستانێ دزڤریت.
دخوازێ ژ هەمی پارتیێن سیاسی و کەنالێن راگەهاندنێ دکەم کو ئاشتیا جڤاکی و ئێکرێزیا گەلێ کوردستانێ تێک نەدەن و بەرنامێن نە د بەرژەوەندیا نشتیمانی و سەربەخوەیا کوردستانێ براوەستینێن، کوردستان پێدڤی بـ ئارامی و سەقامگیریا سیاسی و جڤاکیە و پێدڤی بـ هێز و شیانێن مە هەمیانە. تکایە ڤێ دەرفەت و خەونا مێژوییا گەلێ کوردستانێ بـ سیاسەتێن خوەیێن شاش و بەرتەسکێن حزبی ژ گەلێ خوە وەرنەگرن. و هەر کەسێ پێچەوانەیا ئێکرێزیا نشتیمانی کار بکەت، مێژو دێ لەعنەتا لـێ بارینیت.
بژیت ئێکرێزیا گەلێ کوردستانێ، بژیت پێشمەرگەهێن کوردستانێ، بژیت پێکڤە ژیان و برایەتیا گەلێن کوردستانێ.
جگێرا سه‌رۆكێ فراكسیۆنا پارتی دیموكراتی كوردستان ل په‌رله‌مانێ كوردستانێ
