ئازەربایجان ب توندی هۆشداریێ ددەتە ئیرانێ
ئەڤرۆ
وەزارەتا دەرڤە یا ئازەربایجانێ راگەهاند، ئیران بەردەوام ئاریشان ل سەر سنۆری بۆ وەلاتێ وان دروست دکەت و هەری دووماهیێ ژی دەزگەهێن راگەهاندنا ئیرانێ گەلەک دەنگوباسێن دوور ژ راستیێ ل دژی وەلاتێ وان بەلاڤ کرینە، ژ بەر هندێ ژی وەزارەتا دەرڤە یا ئازەربایجانێ ب رێیا بالیۆزێ ئیرانێ هۆشداری دایە وی وەلاتی و داخواز ژ ئیرانێ هاتیە کرن دەست ژ هەلوەستێ خۆ یێ دوژمنکارانە ل دژی ئازەربایجانێ بەردەت.
ل ئالیێ دی ناسر کەنعانی پەیڤدارێ وەزارەتا دەرڤە یا ئیرانێ ژی راگەهاند، دەمەکە ئازەربایجان ئالۆزیان دروست دکەت و هندەک بزاڤێن وی وەلاتی زیانێن مەزن دگەهیننە بەرژەوەندیێن ئیرانێ، ژ بەر هندێ ژی بەری نها وان ب فەرمی داخواز ژ ئازەربایجانێ کرینە دەست ژ وان بزاڤێن خۆ یێن تێکدەرانە بەردەت، چونکی ئیرانێ دڤێت پەیوەندیێن باش ل گەل ئازەربایجانێ و وەلاتێن دی یێن دەڤەرێ هەبن و هەر وەلاتەکێ ژی بڤێت ئاریشان بۆ ئیرانێ دروست بکەت دێ ئیران ب توندی بەرسڤا وی وەلاتی دەت
