ئاسایشا دهۆكێ رێڤه‌به‌ره‌ك و سێ فه‌رمانبه‌ر گرتن
ئه‌ڤرۆ:
ئاسایشا دهۆكێ ب تۆمه‌تا گۆمانا گه‌نده‌لیێ رێڤه‌به‌رێ به‌رێ یێ چاكسازیا ژن و سنێله‌یان و سێ فه‌رمانبه‌ر گرتن.
ژێده‌ره‌كێ ئاگه‌هدار ژ هێزێن ئه‌منی یێن دهۆكێ نووچه‌یێ گرتنا وی رێڤه‌به‌ری و سێ كارمه‌ندان ژ لایێ ئاسایشا دهۆكێ ڤه بۆ گاڤ پشتراست كر و گۆت: “به‌ری نه‌ڤرۆزێ ب مه‌ره‌ما ڤه‌كۆلینێ ب فه‌رمانا دادوه‌ری، هه‌ر ئێك ژ رێڤه‌به‌رێ به‌رێ یێ چاكسازیێ، رێڤه‌به‌رێ پشكا ژمێریاری، مافپه‌روه‌رێ رێڤه‌به‌ریێ و ڤه‌كۆله‌ره‌كێ ده‌روونی ل چاكسازیێ هاتینه گرتن”.
ل گۆره‌ی زانیاریێن ده‌ستپێكی تۆمه‌تا وان چار كه‌سان ئه‌وه، كو د گرێبه‌سته‌كا د ناڤبه‌را رێڤه‌به‌ریا چاكسازیێ و رێكخراوه‌كا نێڤده‌وله‌تی دا گۆمانا گه‌نده‌لیێ و به‌رزه‌بوونا گوژمه‌كێ پاره‌ی یێ هه‌ی، ل دووڤ پێزانینان، گۆمانا گه‌نده‌لێی د نێزیكی 250 هزار دۆلاران دا یا هه‌ی.
به‌ری نه‌ڤرۆزێ ب چه‌ند رۆژان هێزێن ئاسایشا دهۆكێ دو فه‌رمانبه‌ر ل ناڤ فه‌رمانگه‌هێ بخوه د ده‌مێ ده‌واما فه‌رمی دا گرتینه و رۆژا پێنجشه‌مبیا به‌ری نه‌ڤرۆزێ ژی رێڤه‌به‌رێ به‌رێ یێ چاكسازیێ هاتیه گرتن و فه‌رمانبه‌ره‌كێ دی ژی خوه راده‌ستكریه.
