ئاستێ راگەهاندنێ نوكە یێ باشە
سندس سالح سلێڤانەیی:
مەدیاكار (راید غانم) د دیدارەكێ دا بۆ رۆژنامەیا ئەڤرۆ گۆت: پتری دەه سالانە ئەز دبوارێ راگەهاندنێ دا كاردكەم، ل دەستپێكێ ئەز ل كەنالێ زاگرۆس بووم، پشتی ئەو كەنال بوویە عەرەبی ئەز هاتمە ڤەگوهاستن بۆ كەنالێ كوردستان تیڤی یێ عەسمانی و هەتا نوكە وەك پەیامنێر ل سەر كارێ خوە یێ بەردەوامم.
هەروەسا گۆت: من ئەڤ كارە هەلبژارت چنكو حەزا منا زارۆكینیێ بوو، هەروەسا ماموستا و هەڤالێن من ژی د پشتەڤان بوون و دەمێ ئەز ل زاگرۆس تیڤی هندەك ئاستەنگ بۆ من چێبوون، چنكو ل وی دەمی قەیرانا درایی بوو، لێ سوپاس بۆ خودێ ئەم شیاین دەربازبكەین و ب دیتنا من نوكە ئاستێ راگەهاندنێ یێ باشە، لێ پێدڤیە مەدیاكار خوە پتر ماندی بكەن.
