ئاستەنگ بۆ یانەیا تەناهیێ پەیدابووینە
د داخویانیەکێ دا جاسم شعبان سەرۆکێ یانەیا تەناهی بۆ رۆژنامەیا ئەڤرۆ گۆت: مە دەست ژکارکێشانا ڕاهێنەری ڕەتکر، ئەڤە ژی بۆی چەندێ زڤریت وی خرابیا ئاست و ئەنجاما ئێخستە ستویێ خوە، بەلێ ئەگەر بوومە وەکۆ کارگێری زڤریت ژبەر درەنگ بەرهەڤیکرن، دەمێ مە دەست هاڤێتێ چ یاریزانێن باش ناڤا بازاڕێ ڤەگوهاستنا دا نە مابوون، ئەنجامێ یاریا بوری ژبەر چەند شاشێن بەرگریێ هاتن و تیم گەلەک لاواز دیاربوو، تنێ نوکە مە هیڤیا ویێ چەندێ مایە بمینە د ناڤا خولێ دا.
زێدەتر ناڤهاتی گوت ژی: تیمێ چ داهات نینن، پارێزگاری هاریکاریە پێشکێشی مەکر تنێ تێرا مووچێ هەیڤەکێ بوو، مە قەستا چەندین جهێن دی کریە بەلێ چ بوومە نەهاتیەکرن، سوز بمە هاتبودانێ هاریکاریا یانێ بکەن، بەلێ بەرۆڤاژی زوولم مەهاتەکرن، تنێ ماموستا عبدالله زکری خوە ل تیمێ کەتە خودان، مە هەیڤ و نیڤ ماینە دێ خول دووماهیک هێتن و ئەگەر لسەر ئەڤی دەست و داریێ بت دێ تیم دابەزیتە خولا پلە دو، بەلێ ئەڤان شەش یاریێن مای دێ هەولدەین ئاستێ خوە باشبکەین، یاریا بەرامبەری سێمێلێ ئاستی خوە باشبکەین.
