ئاسـایـشـا نـهتـهوهیی و گرنگـیا وێ. ..
بابهتێ ئاسایشا نهتهوهیی و گرنیگا وێ ههر ژ كهڤندا ل پێشییا ئهوان بابهتان بوویه كو مروَڤان ب شێوهیهكێ گشتی و ل ههمی ئاستێن وهك تاك و جڤاك و نهتهوه و دهولهت و دهستههلاتێن سیاسی و ئابووری و لهشكهری و كوَمهلایهتی پووته و گرنگیهكا زوَر پێ دایـه ژبوَ دابین كرن و مانا وان د ژیانهكا ئارام و سهقامگیر دا و دروست كرنا ژینگهههكا گوَنجایی د ههموو بواران دا و گههشتن بوَ ڤێ ئارمانجێ گهلهك خهبات و ماندیبوون دیتینه و قوَربانیێن مهزن داینه بوَ بهرسنگ گرتنا ههموو جوره كریارێن تێكدهرانه و تیروَری و ئهو مهترسیێن دهرهكی و نافخوهیی كو دبنه ههرهشێن راستهوخوَ ل سهر ژیانا وان یا سروشتی و سیاسی و ئابووری و لهشكهری و كوَمهلایهتی و سنوورێن وان یین دیاریكری. ژ لایهكێ دی ڤه ئاسایشا نهتهوهیی چهندین رهههندێن خوه ههنه كو پێكڤه دگرێداینه وهك ئاسایشا سیاسی كو ئهركێ وێ رزگابوونا وهلاتی یه ژ سیستهمێ تاكڕهویێ و دكتاتوَریێ و پاراستنا بهرژهوهندیێن وهلات و وهلاتیان. ههروهسا ئاسایشا ئابووری و كوَمهلایهتی و ژینگههێ كو ئهركێ وان دروست كرنا ژینگهههكا گوَنجایی و دابین كرنا ههموو پێدڤیێن دارایی و ئابووری و ژناڤبرن و كێم كرنا رێژا ههژاریێ و نههێلانا گهندهلیێ و نههێلانا هوَكارێن پیس بوونا ژینگههێ و گرنگی دان ب سامانین سروشتی و پاراستنا وان ژ ههر روودان و ههرهشهكێ وهك سامانهكێ نهتهوهیی و نیشتیمانی.
گرنگیا ئاسایاش نهتهوهیی گهرهنتی دانه ب وهلاتهكێ ئارام و دوور ژ ههر دهست درێژیهكێ و دهربرینه ژ پێشكهفتن و گهشهپێدانێ د ههموو بوارێن ژیانێ دا. ههر چهنده مهرج نینه كو ئاسایشا نهتهوهیی پابهن دبیت ب ههبوونا دهولهتێ ڤـه بتنێ، بهلكو بوَ ههر نهتهوه و جڤاكهكێ جودا ههبوون و گرنگیا خوه ههیه بوَ نموونه گهلێ كورد كو مهزنترین نهتهوێ بێ دهولهته و ب سهدان ساله ئاسایشا وی یا نهتهویی ل ژێر گهف و ههرهشه و مهترسیێن بهدهوام دایه ژ لایێ دهستههلاتێن داگیركهر و رژێمێن دكتاتوَری و گهلهك قوَربانی داینه بوَ گههشتنا ڤێ ئارمانجێ و ئهڤروَ ژی ژ ههر قوَناغهكا بووری ئهڤ ههرهشه و مهترسیه ل سهر گهلێ كورد زێدهتر ههنه بهلێ ههرێما كوردستانێ وهك ههر وهلات و نهتهوهكێ خودان ئهنجومهنێ ئاسایشا خووه یا نهتهوهیی، ئهنجومهنێ خوه ل ههرێما كوردستانێ ژی ههیه ب ناڤێ ئهنجومهنێ ئاسایشا ههرێما كوردستانێ وهك دهزگهههكێ فهرمی و نیشتیمانی كو شیایه روَلێ خوه ژ ئهنجومهنێن ئاسایشا نهتهوهیی یا گهلهك وهلاتێن سهربهخوَ و خودان ئابوور و لهشكهرهكێ ب هێز و رێك و پێك پـتر بینیت و رهوشا ئێمناهیا كوردستانێ و ئاسایشا وێ یا نهتهویی ب پارێزیت ب تایبهتی ل ئهڤان كاودانێن سهخت و نهخوهش و ئهو رهوشا ئالوَز و نه سهقامگیر ئهوا ل دهوروبهرێن ههرێما كوردستانێ ههین و رێگری كریه ل ههموو ئهو مهترسی و ههرهشێن ل سهر ههرێما كوردستانێ و پلانین تێكدانا رهوشا وی یا ئارام پوچهل كرینه و شیایه زال بیت ل سهر ههموو ئهو قهیرانێن ئهڤروَ سهرهلداین و نههێلایه قهیرانا ئاسایش و ئێمناهیێ ل كوردستانێ پهیدا ببیت كو ئهڤه مهزنترین و مهترسیدارترین قهیرانه د ڤێ قوناغێ دا و گهلێ كورد و كوردستان پاراستی یه د ناڤا چوار گوشهیهكا ئاگرین دا.
