ئاشتی كه‌ریم بۆ راهێنه‌رێ فۆتسالا شێخان
ئه‌ڤرۆ، زنار زوبێر:
د داخویانیه‌كا تایبه‌ت دا بۆ رۆژناما ئه‌ڤرۆ راهێنه‌رێ گه‌نج ئاشتی كه‌ریم دیاركر ئه‌و گه‌هشتیه رێككه‌فتنێ ل گه‌ل یانا شێخان یا وه‌رزشی بۆ وه‌رگرتنا ئه‌ركێ راهێنه‌راتیا تیما فۆتسالا یانێ بۆ وه‌رزێ بهێت یێ خولا نایابا كوردستانێ.
زێده‌تر ئاشتی كه‌ریم بۆ رۆژناما ئه‌ڤرۆ گۆت: دوهی ب فه‌رمی سه‌رپه‌رشتیا راهێنانێن یانێ كریه ل هولا گرتیا كولیژا چاندنێ و نوكه هه‌ڵسه‌نگاندن و تاقیكرنێ ب شیانێن یاریزانێن تیمێ دكه‌ت به‌ری پێكهاتیێ دووماهی به‌رهه‌ڤ بكه‌ت بۆ خولێ و بریاره ل رۆژێن بهێت گرێبه‌ستێن چه‌ند یاریزانێن نوو یێن كوردستانێ ئیمزا بكه‌ت دیسان نوكه د دانوستاندنێ دانه ل گه‌ل یاریزانه‌كا پیشه‌كار ژی ل تیمێ زێده‌بكه‌ت بۆ نه‌هێلانا كێماسیان.
ل دووماهی ناڤهاتی گۆت: پلانا كارگێریێ ل ڤی وه‌رزێ بهێت تنێ مانا یانێ یه د خولا نایاب دا ژ به‌ركو شیانێن دارایی یێن وان چارچووڤه‌كرینه د شیان دا نینه هه‌ڤركیێ بكه‌ن لێ من سوزدایه باشترین تیم و ئاست بۆ یانا شێخان ل وه‌رزێ نوو دا ده‌ستڤه‌بینم و گه‌له‌ك بۆ زانین ئاشتی كه‌ریم خودانێ باوه‌رناما (C) یا راهێنه‌ریێ یه و ل وه‌رزێ بوری راهێنه‌رێ گۆلپارێزێن ئافره‌تێن دهۆكێ بوو.
