ئافره‌تێن دهۆكێ ده‌ربازبوونه چارگۆشه‌یا زێڕین
تیما یانه‌یا ئافره‌تێن دهۆك به‌رده‌وامی دا پێشه‌نگییا خوه د خولێ داو ده‌ربازبوو چارگۆشه‌یا زێرین پشتی شیایی سه‌ركه‌فتنا چارێ ل دووڤ ئێك ب ده‌ستڤه بینت و سه‌رێ لیستا كۆما ئێكێ پارێزیت، ب سه‌ركه‌ڤیت ل سه‌ر ئافره‌تێن سۆران ب چار گۆلان به‌رانبه‌ر گۆله‌كێ، د یارییا واندا ئه‌وا ل ئه‌ینییا بۆری ژ چارچووڤه‌یێ گه‌ڕا چارێ یا خولا فوتسالا كوردستانێ بۆ كۆما ئێكێ ل هۆلا چالاكیێن وه‌رزشی هاتیه كرن، هه‌ر دڤێ كۆمێ دا هه‌له‌بجه‌یی شه‌هید و خه‌لاتی پێنجوین ب دو دۆگۆلان وه‌كهه‌ڤبوون.
ژلایێ خوه‌ڤه تیما ئافره‌تێن زاخۆ سه‌رێ لیستا كۆما دویێ ژ ده‌ست دا پشتی دگه‌ل كچێن ره‌واندۆز ب سێ گۆلان وه‌كهه‌ڤ بوویی، د یارییا واندا ئه‌وا هه‌مان رۆژ ل باژێرێ ره‌واندۆزێ هاتیه كرن، ژلایه‌كێ دووڤدا و هه‌مان كۆم دا سیرۆانی هه‌له‌بجه ب شه‌ش گۆلێن پاقژ سه‌ركه‌فتن ل سه‌ر چه‌مچه‌مال.
ب ڤان ئه‌نجامان د كۆما ئێكێ دا تیما ئافره‌تێن دهۆكێ سه‌رێ لیستێ پاراست ب12 خالان ژ چار سه‌ركه‌فتنان، 28 گۆل كرینه كو زوورترین رێژه‌یا گۆلێ یه د خولێ دا هاتینه تۆماركرن وه‌كو تیما ئێكانه ب فه‌رمی ده‌ربازبوو چارگۆشه‌یا زێرین، سۆران ب شه‌ش خالان رێزا دویێ، هه‌له‌بجه‌با شه‌هید ب چار خالان رێزا سێیێ و خه‌لاتی پێنجۆین ب خاله‌كێ رێزا چارێ دهێت، د كۆما دویێ داسیرۆانی هه‌له‌بجه پێشڤه هاته رێزا ئێكێ ب10 خالان، زاخۆ پاشڤه‌چوو رێزا دویێ ب هه‌شت خالان، ره‌واندۆز ب چار خالان رێزا سێیێ و چه‌مچه‌مال بێ خال رێزا چارێ دهێت.
