ئافرەتێن یانەیا دهۆك و زاخۆ پێنگاڤا ئێكێ ب سەركەفتیانە هاڤێت
هەردو یانەیێن پاریزگەهێ تیما كچێن یانەیا زاخۆ و یانەیا ئافرەتێن دهۆكێ شیان د ئێكەم یارییا خوە دا ب سەركەڤن، د یاریێن واندا ئەوا دوهی ژ دەستپێكا خولا فوتسالا كوردستانێ هاتینە ئەنجامدان.
ل هۆلا گرتییا رەواندۆز ل هەولێرا پایتەخت تیما ئافرەتێن یانەیا دهۆك ب سەركەفتنەكا گرنگ ڤەگەریان پشتی دگەل مێڤاندارا خوە تیما كچێن یانەیا سۆران ب سێ گۆلان بەرانبەر گۆلەكێ سەركەفتن ئینایی د چارچووڤەیێ كۆما ئێكێ دا، هەرسێ گۆلێن دهۆكێ ژلایێ یاریزانێن وێ ئیسرا ئیبراهیم دو گۆل و سیپەل شوكر گۆلەك، د هەمان كۆم دا هەلەبجەیا شەهید ب پێنج گۆلان بەرانبەر دو گۆلان سەركەفت ل سەر خەلاتی پێنجۆین ئینا.
ژلایێ خوەڤە د كۆما دویێ دا كچێن یانەیا زاخۆ ژی ب سەركەفتنەكا گرنگ دەست ب وەرزێ نوو كر پشتی ب دو گۆلان بێ بەرانبەر سەركەفتی ل سەر یانەیا رەواندۆز، د یارییا واندا ئەوا ل هۆلا گرتییا زانكویا زاخۆ هاتیە كرن، د هەمان كۆم دا سیروانی نوو هەلەبجە ب سێ گۆلێن پاقژ ب سەركەفت ل سەر كچێن یانەیا چەمچەمال.
