ئافرەت د دیتنا جڤاكا مە دا
شرین سەعدوللا حسێن
هەر نڤیسینەك دەربرینێ ژ ژیان ئەزموون و رابردۆیا نڤیسەری دكەت، بەلێ ئەز دنڤیسینێن خۆ یێن بەحسی ماف و ئازادیێن ئافرەت دەربرینێ ژ وان هەمی ئێش و ئازاران دكەم؛ یێن ئافرەتێن جڤاكێ من د ناڤ دا دژیت تووش دبیتێ، ژ وان هەمی نموونەیێن رەخ و دۆرێن من یێن من دیتن، گوه ل چیرۆك و بەربەستێن ئەو پێ هاتینە گرێدان ل دەمەكی ژیان یا تژیە ژ ئازادیێ و خۆشیا ژیانێ ئازادیە، ئەگەر د سەردەمێ مە یێ نوكە دا، 2. ژ سەدێ ئافرەتێن مە ب ئازادی بژین 15 ژ وان ئەون یێن د ناڤا مالێن رەوشەنبیر و ڤەكری دا ژدایكبووین 5 دی ئەون یێن مەزن بووین، وان ب خۆ بریاڕا ژیانەكا ئازاد داین خۆ خلاس كرینە، ژ وان گرێدان و بەربەستێن ل سەر وان هاتینە سەپادندن، 7. یێن مایین هێشتا یێن ل بن دابونەریت و بنەمایێن شەڕم و عەیب، كچ بەخت رەشییە شەڕمزاریا دونیایێ یە بەلایە بۆ دایك و بابان دژین, مەرەما من ژ ئازادیێ نەئەوە كو ژن ببیتە كەسەكا سەربەخۆ، هەر تشتەك هەر پێنگاڤەك؛ هەركارەكێ وێ بڤێت بكەت ژیان یا خۆشە ب هەبوونا ئازادیێ ئازادی د هەلبژارتنا وان هەمی تشت كارێن مرۆڤ دزانیت باشیەكێ ئاڤاكرنەكێ سەركەڤتنەكێ سەرڤەرازیەكێ دێ بۆ مرۆڤی پەیداكەت چ دەمێ نوكە دا چ ل پاشەڕۆژێ ژیان هێشتا خۆشتر دبیت، دەمێ مرۆڤ ب خۆ هندەك یاسا و بەربەستان ب خۆ ب خۆ بدانیت بزانیت كو رێك گرتن نەكرنا هندەك كاران بۆ پاراستنا وی یە، داكو دویر بكەڤیت ژ هەر پەشێمانیەكا ژیانا وی هەمیێ ڤەدگریت؛ ئەنجامێ هەر كارەكێ خراب ژبلی پەشیمانیێ ئێشانا وژدان و تێكچوونا دەروونی، هیچ فایدەكێ دی تێدا نینە، هەمی تشت ل ڤێ دنیایێ یێن هاتینە ئافراندن، ژبۆ خزمەتكرنا مرۆڤان زەلام ژی یێ هاتیە ئافراندن بهێزتر و شیانتر ژ ئافرەتێ دا كو ببیتە پارێزگارەك بۆ وێ و وێ بپارێزیت و هەمی پێدڤیێن ژیانێ بۆ دابین بكەت، ژبەركو ئافراندنا ئافرەتێ ئافراندنەكا تژی نازكی هەست ڤیان و حەزژێكرنە، بەلێ ب مخابنی ڤە ئەڤ تشتە نینە، زەلام دشێن جۆرئەت دكەت، ل پێش چاڤێن زارۆك و خێزانا خۆ هەڤژینا خۆ بقوتیت؛ هەمی ئاخفتنێن كرێت بێژیتێ؛ بەلێ وێرەكی نینە؛ شەڕم دكەت ل پێش چاڤێن ڤان مرۆڤان هەڤژینا خۆ ماچی كەت؛ شانازیێ پێ ببەت؛ بێژیت كچا من خاتوین و ئاڤاهیا مالا منە، كوڕ دشێت دایكا خۆ رەزیل و بێ خۆدان بكەت؛ ببەتە مالا بێ سەمیانان؛ بەلێ شەڕم دكەت دەستێ دایكا خۆ بگریت و ببەتە ناڤا هەمی جهێن خۆش ل ناڤا مرۆڤان؛ ژ بۆ وان دیار بكەت كو ئەڤە ئەو ژنە یا ئەو ئینایە سەر ڤێ دنیایێ؛ ب جوانترین شێواز مەزنكری ب خۆدانكری، برا دشێت خویشكا خۆ رەزیل بكەت كو كچ ناچێبیت ژ مال دەربكەڤیت؛ بەلێ نەشێت خویشكا خۆ ل گەل خۆ ببەتە ناڤا هندەك جهێن خۆش.