ئاكرێ ده‌ربازبوو پلا نایابا كوردستانێ
ئه‌ڤرۆ،
تیما ته‌پا پێی یا یانا ئاكرێ ب فه‌رمی ده‌ربازبوو خولا پلا نایابا كوردستانێ بۆ وه‌رزێ 2022- 2023 پشتی د یاریا خوه یا دوهی دا وه‌كهه‌ڤبووی ل گه‌ل مێڤانا خوه یانا به‌رده‌ره‌ش بێ گۆل، د یاریا واندا ئه‌وا ژ چارچووڤێ هه‌ڤڕكیێن گه‌ڕا 16ێ و دووماهیا قۆناغا كۆمان ئه‌وا ل باژێرێ ئاكرێ هاتیه كرن.
ئه‌نجامێ وه‌كهه‌ڤیێ تیما ئاكرێ ل سه‌رێ لیستا كۆما ئێكێ پاراست ب 26 خالان، هه‌ڤڕكا وێ پیشه‌سازی ئه‌وا سه‌ركه‌فتی ل سه‌ر برۆسك ب چار گۆلان به‌رامبه‌ر گۆله‌كێ رێزا دویێ دهێت ب هه‌مان خال لێ لدووڤ رێنومایێن ئێكه‌تیا ته‌پا پێی یا كوردستانێ كو هه‌كه وه‌كهه‌ڤیا خالان دناڤبه‌را دو یانێن رێزێن ئێكێ و دویێ په‌یدابوو ئێكسه‌ر دێ سه‌حكه‌نه ئه‌نجامێن هه‌ردو یاریێن دناڤبه‌را واندا هاتینه كرن و باشترین دێ بۆ تیما سه‌ركه‌فتی بیت، له‌ورا یانا ئاكرێ د هه‌ردو یاریێن خوه دا ل گه‌ل پیشه‌سازی سه‌ركه‌فتن تۆماركربوو و بفه‌رمی پلێتا ده‌ربازبوونێ بۆ پلا نایاب وه‌رگرت.
