ئاكرێ گەشبینە ڤەگەڕیتە سەركەفتنان و پاراستنا ناسناڤێ خوە
رەمەزان زەكەریا:
د داخویانیەكێ دا پەیڤدارێ یانەیا ئاكرێ یا وەرزشی ئاشكرا ئەگەرێن ئاست و ئەنجامێن خراب یێن تیما وان یا فوتبۆلێ د خولا نایابا كوردستانێ دا دیاركرن و گەشبینیە بۆ یاریێن داهاتی ئەنجام بهێنە گوهۆڕین و سەركەفتنان تۆماربكەن و رژدییا كارگێریێ دیارك ركو بۆ وەرزێ ئەڤ سالە ئەو دێ بزاڤێن مەزن كەن پاراستنا ناسناڤێ خوە یێ وەرزێ بۆری كەن.
زێدەتر سوبەهیب عەلی بۆ رۆژنامەیا ئەڤرۆ گۆت: پێنەڤێن ئەم هەموودلگرانین ل سەر ئەنجامێن لاوان یێن تیما مە د یاریێن ڤێ دووماهیێ دا پێنەڤێت ئەڤ ئەنجامە ژی پشتی بۆرینا یازدە گەڕا یاریزانێن مە ئەو ئاست و ئەنجامێن ئەم چاڤەڕێ پێشكێش نەكرینە دیسان نە ل خواستا كارگێریا یانەیێ و جەماوەریێ یانەیێ دبیت ئێك ژ ئەگەرێن وێ ڤەدگەریت كو هنگافتنا چار یاریزانێن سەرەكی یێن تیمێ بووە.
زێدەتر سوهەیب عەلی بۆ ئەڤرۆ گۆت: پشتی ئەنجامدانا هەر یارییەكێ گڤاشتن دكەڤیتە ل سەر یاریزانان دیسان دەستكاركێشانا ڕاهێنەری یانەیێ پشتی دەهـ گەرێن خولا نایاب و دەستنیشانكرنا ڕاهێنەرێ نوو هەتا تیم دكەڤیتە سەر رێكا خوە یا دروست ب ئانەهیا خودێ دێ ئەنجام باش بن ل گەڕێن بهێت.
ناڤبری خویاكر : دپلان دایە دڤان چەند رۆژێن داهاتی ئەو یاریزانێن كو دگەل تیمێ نەگونجن بهێنە دورئێخستن بۆ قۆناغا دویێ یا خولێ سێ هەتا چوار یاریزانێن باش بینینە رێزێن تیمێ و مەرەما مە ژی چارەسەركرنا هەر كێماتیەكا د ناڤ تیمێ دا، ئەڤ پێنج یاریێن دووماهیێ ئەنجام نە دباشن و خولا یا درێژە و گەشبینن دێ ئەنجامێن داهاتی دباشن بن و دێ ركابەرێن ناسناڤی بین كو بەرەڤانیێ لێ بكەین بۆ جارا دویێ.
پەیڤدارێ یانەیێ خویاكر : ب هەموو باوەرییا خوە و پشت گەرمی كاپتن هەژار سابر ب فەرمی بووە ڕاهێنەرێ یانەیا ئاكرێ یا وەرزشی ب هیڤینە وەكی پارساڵ ل سەر دەستێ وی ئەنجام ژخرابیێ بەر ب باشیێ بچن و مە باوەری پێ هەیە دێ دەستكەفتێن یانەیێ دۆبارەكەت.
بۆ زانین تیما یانەیا ئاكرێ ژ 10 یارییان 13 خال كۆمكرینە رێزا 10ێ دهێت ب چار سەركەفتن، وەكهەڤییەك دگەل دا د پێنج یارییان دا تووشی خوسارەتیێ بوویە، 11 گۆل یاریزانێن وێ تۆماركرینە لێ 13 گۆل ل سەر هاتینە تۆماركرن، ل وەرزێ بۆری یانەیا ئاكرێ شیابوو ناسناڤێ خولێ و كۆپا سۆپەرا كوردستانێ ب دەستڤە بینیت.
