ئاكرێ كار بۆ ب دەستڤەئینانا ناسناڤێ خولا نایاب دكەت
رەمەزان زەكەریا
د داخویانیەكێداپەیڤدارێ یانەیا ئاكرێ ئاشكراكر ژبۆ بهێزكرنا رێزێن تیما تەپا پێی گرێبەست دگەل یاریزانێ پیشەكارێ سوری ریڤا عەبدولخالق هاتە ئیمزاكرن ئەوێ ل هێلا ناڤێن یاریێ دكەت و بڕیارە بۆ قۆناغا دویێ یا خولا نایابا كوردستانێ بەرهەڤبیت.
زێدەتر سوهەیب عەلی بۆ رۆژناما ئەڤرۆ گۆت: پشتی گرێبەستا یاریزانێ ریڤایی دێ گرێبەستا دو یاریزانێن دی هێتە ئیمزاكرن ئێك ژوان هێرشبەرە و یێ دی ل هێلا بەرەڤانیێ یاریێ كە بۆ زانین پیشەكارێ سوری كوردێ رۆژئاڤایە یاری بۆ یانەیێن كەرامە و تەلیعە و جەبلە كرینە و یاریزانێ هەلبژارتیێ ئۆلمپیا سوریا بوویە.
ناڤبری گۆت ژی: ل دووڤ پلانێن كارگێریا یانەیێ و كادرێ ڕاهێنەران دڤێت ل قۆناغا دویێ زێدەتر خوە ماندی بكەین بۆ پاراستنا سەرێ لیستێ و ناسناڤێ وەرزێ ئەڤسالە یێ نایابا كوردستانێ، هەتا تیما مە ئاستەكێ باش پێشكێشكریە ب سەرپەرشتیا راهێنەرێ گەنج هەژار سابر شیایە د قۆناغا ئێكێ دا 27 خالان كۆمبكەین و ببیتە قارەمانا قۆناغا ئێكێ، بەرهەڤیێن باش هاتینە كرن بۆ ئارمانجا خوە ئەوژی پاراستنا سەرێ لیستێ و چاڤەڕێ نە ل 20 ێ هەیڤێ دەست ب یاریێن قۆناغا دویێ بكەین
