ئاكپ و تێكهلیێن داعش
ژ ههلبژارتنا توركیا ره دهمهكێ كێم ما. ب راستی ژی سیاسهتا توركیا ئێدی ههر رۆژ ههر ساعات دگوههره. بابهتێن كو مرۆڤ بالا خوه بدێ و نیقاش بكه گهلهكن. ئهز دخوازم بالا وه ژی بكشینم ل سهر وان ئێریشێ داعش و كو جارا یهكهم بوو دهولهتا تركیا ب چهكان ئێریشێ داعش كر. وهك كو هوون ژی دزانن پشتی تهقینا ئانقهره ههر كهس هایدار بوو كو ل ههر باژارێن توركیا گهلهك هوجرهیێن داشعێ ههیه. ژ ڤان هوجرهیا ههری بالكێش ژی ل ئامهدێ دهركهت هۆلێ. دهستێ سبێ پۆلیسێن دهولهتا ترك ئێریشێ هوجرهیێ داعشێ كر و ئهندامێ داعشێ ههم ب تهقینێ ههم ژی ب چهكان بهرسڤ دا. د وێ شهرێ دا ٢ پۆلێسێ دهولهتا ترك ژیانا خوه ژ دهست دا و ٥ پۆلێس ژی بریندار بوون. ل گۆر زانیاریێ كو هاتن پارڤهكرن ٧ ئهندامێن داعشێ هاته كوشتن و ١٢ كهس ژی هاته گرتن. پشتی ئێریشا ئامهدێ ل باژارێ توركیا كۆنیا، ستهنبۆل و ئانتهپ ژی ئۆپهراسیۆنێ بنچاڤكرنا داعش دهستپێكرن. ڤان ئۆپهراسیۆنا و ئهو بوویهرا ئامهدێ د ده خویاكرن كو داعش شهبهكهیێ خوه گهلهك خورت كریه. ئهو كهسێن كو ل ئامهدێ هاتن كوشتن ئامادهكاریا تهقینهك ئان ژی ئێریشهك كو ل ناڤهندێ هدپ پێك بینن خوه ب بۆمبه پهروهرده دكرن. ئهو پرتووكێ كو هاتن ب دهست خستن د ده خویاكرن كو ئهندامێ داعشێ ل كۆلانێ ئامهدێ وهك خوهندهڤانهك گهریا نه. لێ مخابن ئهو وهنهیێ كو هاتبوو پارڤهكرن مرۆڤا مات مایی دهێله. د ناڤ پرتووكێ دا جیهێ دهمانچه (سیلهه) هاتبوو چێكرن. یانی ههر رۆژ وان ل گهل خوه پرتووك نا لێ دهمانچه گهراندنه. گهلێ كورد و هنهك كهسێن ترك ژی دزانن كو حكومهتا ئاكپ پشتهڤانیا داعشێ كریه. جارنا ب ئاخافتنا جارنا ب هوقوقێ. بینن بیرا خوه كو سهرۆكوهزیر داڤوتۆگلو د گۆت “ئۆنلار فكهل بركاچ كش” (داعش ئهو چهند كهسێن كو تۆره بوونه ئهون) پشتێ ڤان ئاخافتنا و بهریا ههلبژارتنێ گهلۆ چما دهولهتا ترك ئێریشێ داعشێ كر؟ جارا یهكهمه كو ل توركیا دهولهت ئهندامێ داعشێ دكوژه. ئاهمهت داڤوتۆگلو ژ بۆ داعشێ ههری داوی گۆتنهك وسان گۆت كو مرۆڤ مات مایی نهمینه نهموومكونه! سهرۆكوهزیر ئانی زمان كو “داعش ئیخانهتێ كریه” كا ئهم بنێرن واتهیا ڤێ ئاخافتنێ چیه؟ یانی داڤوتۆگلو ب ئاخافتنا “ئیخانهت كرنه” دخوازه چ بێژه؟ ئان ژی د بن مێژییێ وی چ دهرباس دبه؟ دیاره كو ئهو داعش وهك خهباتكارێن خوه دبینن و ژ بهر وێ دبێژن داعش ئیخانهتێ كریه. ههگهر نه وسان به داعش چما ب وان ره ئیخانهتێ كر به؟ مبارهك سهرۆكوهزیر وسان بالكێش داخفه ڤان رۆژان مرۆڤ نكاره ههموو ئاخافتنێ وی ل ههڤ دهینه. داڤوتۆگلو خوه وهك شێرا دههسبینه و دبێ كو “مه ٢ جار ئێریشێ یپگ كریه و مه دهستوور نهدایه كو ئهو ژ چهمێ فهرات دهرباس ببن” بهردهوام دكه ئاخافتنا خوه و دبێ كو “ ههگهر یپگ دهرباس ب به ئهمێ دیسا لێخن! “ ده وهره ژ ڤێ ئاخافتنێ مات مایی نهمینه. كورۆ هوون ل توركیا ئێریشێ داعش دكن لێ ل بهر سینۆر داهش ههیه هوون رۆژهك بۆمبه نارهشینن سهر وان دا. ژ بۆ چ هوون ل سهر یپگ بۆمبه درهشینن؟ ههگهر هوون پاراستنا داعشێ ناكن ئهڤ چ ئاخافتنن؟
