ئالایێ مە
نایف مەحموود
ژ ڕۆژێ تــو بـــــلنـــــدتــــری
ژ بــا و بــاهـــۆزان بهێـزتـری
ژ هـــەر نــاڤــی مــەزنــتــری
ئـــالایـــێ مــە ژیـن و ژیــان
ل ئاســـمانا ستێرا گــەشــــی
ل قادا چیا یێ ســەركـەشـی
ژخوینا شەهیدان یێ پـەشـی
ژ هەبوونێ روح و گـــــــیــان
توی كوردستان ناڤێ مـــەزن
گاڤێن هوور لدیف تە دبــــەزن
ل دۆر بەژنا تە بــــاغ و ڕەزن
ڕابەری و سەركێش و شـیـان
پێــشمــەرگەی بــازێ زنـــارا
سـەنگەرێ چۆل و بــەیــارا
تیـرێ ئەنیا تــەڤ نــــەیـــارا
ژ تـەڕا مـە عەشــق و ڤیـــان
ژدەستێ قازی بو مـە هـاتـی
بۆ بارزانی خـۆش خــەلاتــی
توی مزگیــنی و ڕۆژهـەلاتـی
روومەتا دەشت و گـــەلیـــان
ژ بــۆنا تە ئارمـــانــج و دۆز
خاك و سنوور تاجا پــــــیرۆز
تا دمـرین پەیمان و ســـــۆز
ئــالایێ مـــــە ئـــالایـێ مــە
