ئالا..
بهزاد بهرام
خوە ددەم نیاسین
سۆر
ژ برینێن تەڤ شەهیدان
ئەز دزێم
كانی و رووبارم
دەریا و زەریامە
دلۆپ دلۆپ
جوبار جوبار
ئەز ڤێدا تێمە خوار
ئەز شۆرەشم.. ئەز ئالامە
سپی
حەبس و زیندان
ڕكەه و قەفەس
نابنە جه و مال و وار
قەید و زنجیر
من شكاندن.. من ڤەكرن
ب هەردو چەنگا
ئەز سەربەستم ..ئەز ئازادم
ئەز بلند دفرم..ئەز ئالامە
كەسك
بوون و هەبوون
ڤین و ژین و ژینداری
مان و بەهەشت و جوانی
ژمن رەنگ ڤەددەن
گول و بشكۆژم
وەرزم ..سرۆشتم
پێكڤە ژیانم
ئەز ژیانم.. ئەز ئالامە.
زەر
ژ كنارێ روژهەلاتێ
هەلاتم ..قەد ئاڤا نابم
تیروژكێن روژا من
گەشن .. بیست و یەكن
مۆم و چرا و بزۆت و ئاگرن
ما قەی ئەز ڤەدمرم؟
ئەز سەرسالم
ئەز نیرۆژم.. ئەز ئالامە.
