ئالا
هه‌ر چركه‌كا هه‌ناسا خوه
ل ژێر سیبه‌را ته دكێشم
رح دجان دا نوو دبیته ڤه
هیڤیێن مری
ته‌یرێن فڕی
بۆ هێلینا خوه دزڤڕن ڤه
د سنگێ من دا
بوهار و گولدانا ڕه‌نگین
شین دبیته ڤه
هندی هه‌بین
ساخ و زیندی
قه‌د ناكه‌ڤیت ئالایێ مه
ل قادا رۆژێ
بۆ ئه‌سمانا یێ بلندی
ل وارێ مه
ژبلی ته و چار ڕه‌نگێن ته
خاكا پیرۆز
نا حه‌وینیت
چو ڕه‌نگێن دی ئالایێن دی
چه‌ندی بخوازی ژخوینا مه
دێ بین قوربان
جانێ مه ژ ته ڕا خه‌لات
تویی هه‌بوونی، تویی ناسنامه
مه ب ته ناسكر
ئاخ و ئاڤ و
دیرۆكا پڕ خوین و خه‌بات
عه‌بدولرحمان مه‌حموود
