ئاماده‌كاری بۆ ریفراندۆمێ ل كه‌ركووكێ و دەڤەرێن دیتر ده‌ست پێكرن
ئەڤرۆ نیۆز،زنار تۆڤی:
رێڤەبەرێ گشتی ل كۆمسیۆنا بلند یا سه‌ربه‌خۆیا هه‌لبژارتن و راپرسیێ ل هەرێما کوردستانێ،ئاماژێ ب هندێ دکەت کو ئاماده‌كاری بۆ ئه‌نجامدانا ریفراندۆمێ ل كه‌ركووكێ و دەڤەرێن دیتر یێن کوردستانێ ده‌ست پێكرن.
كاروان جه‌لال رێڤەبەرێ گشتی ل كۆمسیۆنا بلند یا سه‌ربه‌خۆیا هه‌ڵبژارتن و راپرسیێ بۆ باس راگه‌هاندیە: کو ئەڤرۆ سێشه‌مبیێ 11\7\2017 ده‌ست ب ئاماده‌كاریان بۆ ڕیفراندۆمێ ل كه‌ركووكێ و دەڤەرێن دیتر یێن كوردستانێ هاتیەکرن،هەروەسا ڤان دەڤەران هەڤشێوێ هه‌ولێر، سلێمانیێ و دهوكێ دێ مامه‌لە ل گەل هێتەکرن،دیسا ئه‌و ئاماده‌كاریێن بۆ ڤان دەڤەران دهێنەکرن،دێ بۆ دەڤەرێن ده‌رڤەی ئیدارا هه‌رێما كوردستانێ ژێ هێنەکرن،هەروەسا ئاماده‌كاری بۆ رۆژا راپرسیێ ژ روویێ ئامارێ ڤە ژی دێ ب قۆناغ بیت.
کاروان جەلالی ئه‌و ژی دیارکریە:مە ل كه‌ركووكێ چ ئاریشە نینن،بتنێ خەلکێ حه‌ویجه نه‌بیت،ب تایبه‌تی ئه‌وێن ئاواره‌بووین و ل كه‌ركووكێ نیشته‌جێ بووین،دشێن دناڤا کەمپان دا ده‌نگێ خوە بده‌ن،چونكی ل وێرێ ژی سندوقێن ده‌نگدانێ دێ هێنە دانان.
