ئامادەكاری بۆ لەهیان ل دهۆكێ دهێنە كـرن
دهۆك، لەزگین جوقی:
سەرۆكاتیا باژێرڤانیا دهۆكێ راگەهاند، هەمی ئامادەكاری بۆ رێگریكرن ژ دروستبوونا لەهیان هاتینە كرن، ل هەمی جهێن كو مەترسی ل سەر هەیە وەكو رووبارێ هشكەرۆ هاتینە پاقژكرن.
ئیسماعیل مستەفا، بەرپرسێ راگەهاندنا سەرۆكاتیا باژێرڤانیا دهۆكێ بۆ ئەڤرۆ دیار كر، ئەڤ سالە ب پشتەڤانیا ئیدارا پارێزگەها دهۆكێ دەست ب پاقژكرنا رووبارێ هشكەرۆ هاتیە كرن، داكو روودان پەیدا نەبن و گۆت: «ئەو خانیێن تووشی لەهیا بووین، خەلكێ وان هاتینە قەرەبووكرن، كو 150 خانی بوون، ئەڤ سالە بەرمایكێن وان خانیان هەمی هاتینە راكرن، رووبارێ هشكەرۆ هەتا پینج كیلۆمەترانە هەمی هاتیە پاكژكرن، ئەم یێ كار دكەین رووبارێ هشكەرۆ بەرفرەه بكەین».
گۆتژی: «هەر جهەكێ پیدڤێ بیت دێ هێتە پاقژكرن و سێ لیژنە ل دهۆكێ هەنە وان جهان پاكژ دكەن یێن مەترسی ل سەر هەبیت».
