ئامارا رێڤه‌به‌ريا هاتنوچوونێ د رۆژانێن نه‌ورۆزێ دا
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا هاتنوچوونێ ل پارێزگه‌ها دهۆكێ راگه‌هاند كو د رۆژانێن نه‌ورۆزێ دا، 12 كه‌س بريندار بووينه و مرن ژى نه‌بوويه.
ئازاد تاها به‌رپرسێ راگه‌هاندنێ ل رێڤه‌به‌ريا هاتنوچوونێ ل پارێزگه‌ها دهۆكێ بۆ ئه‌ڤرۆ نيوز گۆت: “ژ ئه‌نجامێ نه‌چوونا رێژه‌كا زێده يا سه‌يرانيان ژ ئه‌گه‌رێ كاودانان و سه‌قايى و پێگريكرن ب رێنمايێن هاتنوچوونێ، رێژا روودانێن هاتنوچوونێ هه‌تا راده‌كێ باش يا سه‌ركه‌فتى بوو”.
زێده‌تر گۆت: “د هه‌ر سێ رۆژێن نه‌ورۆزێ دا، چار روودان هاتينه تۆماركرن و ژ وان ژى دو وه‌رگه‌ريان و دو ژى لێكدان بووينه و د ناڤا وان روودانان دا 12 كه‌س بريندار بووينه و كه‌سێ ژى گيانێ خوه ژ ده‌ست نه‌دايه”.
